Bıyl qala teatrlary Parıjden Máskeýge deıingi 20-dan astam álemdik qalada óner kórsetti. Qýyrshaq teatry men «Alataý» dástúrli óner teatry Qazaqstan atynan Avınon festıvali men Chehov atyndaǵy halyqaralyq teatr festıvalinde sahnaǵa shyqty.
Parıjdegi IýNESKO shtab-páterinde Nurǵısa Tilendıevtiń 100 jyldyǵyna arnalǵan halyq aspaptarynyń kórmesi ótti.
Sońǵy úsh jylda Almaty mádenı yntymaqtastyqty keńeıtý maqsatynda 18 halyqaralyq memorandýmǵa qol qoıdy.
«Biz dástúrdi saqtap qana qoımaımyz – biz álem tanyǵan Almatynyń mádenı brendin qalyptastyryp jatyrmyz», – dep atap ótti qala ákiminiń orynbasary Azamat Qaldybekov.
Ońtústik astana qaıtadan úlken megapolıstiń mádenı qarqynynda ómir súrýde.
Jyl basynan beri qalada 1300-den astam mádenı is-shara ótip, olardy 1,3 mıllıonnan astam adam tamashalaǵan.
«Biz mádenıetti tek mereke kúnderi emes, kún saıyn sezingimiz keledi. Ár turǵyn óz qýanyshyn saıabaqta, kóshede, óz aýlasynda taba alatyndaı bolsyn deımiz», – dedi Azamat Qaldybekov.
Almatyda jyl boıy mańyzdy merekeler men tarıhı datalar atalyp ótti. Qala kúnine oraı ótken 200-den astam is-shara jarty mıllıonnan astam turǵyn men qonaqty biriktirdi.
2030 jylǵa deıin Almatyda jańa teatrlar, kitaphanalar, art-keńistikter men mádenı ortalyqtar salynady.
Maqsat – mádenıetti ár almatylyqqa, mektep oqýshysynan bastap zeınetkerge deıin, qoljetimdi etý.