Naýryzbaı aýdanynyń kóshelerin jaryqtandyrý 95% - ǵa jetti. Bul týraly Almaty qalasynyń ákimi Erbolat Dosaev aýdan turǵyndarymen kezdesý barysynda málimdedi, dep habarlaıdy aqshamnews.kz
«Aǵymdaǵy jyldyń sońyna deıin biz taǵy 69 shaqyrym kabeldik jelini aýystyrýdy, 298 jaryqtandyrý tiregin jáne 3 000 - ǵa jýyq shamdy ornatýdy josparlap otyrmyz», - dedi qala basshysy.
Sondaı-aq, 2025 jyldyń sońyna deıin HQB baǵdarlamasy osy aımaqtaǵy qalǵan jaryqtandyrylmaǵan 30 kósheler men aleıalardy jaryqtandyrýdy josparlap otyr.
Erbolat Dosaev Naýryzbaı aýdanyn damytýdyń mańyzdy basymdyqtarynyń biri turǵyndardy sapaly jáne zamanaýı ınjenerlik ınfraqurylymmen keshendi qamtamasyz etý bolyp tabylatynyn atap ótti.
Búginde aýdanda elektr jelileriniń 83% – y (2024 jyly-85%) tozǵan, bul turaqty avarıalyq ajyratýlardyń basty sebebi bolyp tabylady.
«AJK» AQ jelisi boıynsha 2024 jyly 71 transformatorlyq qosalqy stansıa men 246,6 km elektr jelilerine kúrdeli jáne aǵymdaǵy jóndeý júrgizildi. 2025 jyly 1 taratý jáne 18 transformatorlyq qosalqy stansıa, 34 km elektr jelileri jóndeledi.
Jalpy, qalada ınjenerlik jelilerdi jańǵyrtý jáne rekonstrýksıalaý boıynsha keshendi sharalar belsendi qabyldanýda. Osylaısha, qabyldanyp jatqan sharalar 2025 jyly elektrmen jabdyqtaý jelileriniń tozýyn 63,3% - ǵa deıin tómendetýge múmkindik beredi.