Tıisti sheshimder eskerildi.
Almatynyń ekologıalyq jaǵdaıyn jaqsartýǵa qatysty tyń qadamdar jasalady. Bul týraly Senattyń jalpy otyrysynda QR Indýstrıa jáne ınfraqurylymdyq damý mınıstri Qaıyrbek Óskenbaev málim etti, dep habarlaıdy Almaty-akshamy.kz QazAqparatqa silteme jasap.
Atap aıtqanda, búgin Senat «Keıbir zańnamalyq aktilerine elektr energetıkasy, energıa únemdeý jáne energıa tıimdiligin arttyrý, jer qoınaýyn paıdalaný, jergilikti memlekettik basqarý jáne memlekettik shekara máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Qujat aıasynda Almatyǵa qatysty tıisti sheshimder eskerilgen.
«Almatynyń taǵy bir ózekti máselesi – ol qalanyń ekologıalyq jaı-kúıi. Búginde lastanýdyń negizgi kózderi retinde kólik sektory jáne ekinshi jylý energıa ortalyǵy bolyp otyr. Olarǵa gaz shyǵaryndylarynyń 60% jáne 31% tıesili. Normatıvten tys shyǵaryndylary bar (ekologıalyq beketterde) avtokólik quraldaryna qatysty ólshemdi júzege asyrý jáne anyqtaý tártibin reglamentteý eskerilgen. Osy oraıda kólik quraldaryna tıisti ólshemdi júzege asyrý jónindegi qaǵıdalardy bekitý kózdelgen», - dedi Qaıyrbek Óskenbaev.
Onyń aıtýynsha, kómir stansıalarynan parnıktik gaz shyǵaryndylaryn tómendetý boıynsha respýblıkalyq mańyzy bar qalalar men astana úshin otynnyń balama túri retinde gazdy paıdalana otyryp, generasıalaıtyn qondyrǵylardy salý arqyly jańǵyrtý, rekonstrýksıalaý jáne keńeıtý jónindegi jobalarǵa ınvestısıalardy qaıtarý tetigin zańnamalyq túrde engizý usynylady.