Almatyda er adamdy poıyz qaǵyp, mert qyldy.
Kóliktegi polısıa departamentiniń málimetinshe, qaıǵyly oqıǵa 8 maýsym kúni keshki saǵat 22:10 shamasynda Almaty-1 jáne Almaty-2 stansıalary arasyndaǵy ýchaskede bolǵan, dep habarlaıdy Almaty-akshamy.kz QazAqparatqa silteme jasap.
«Kólik polısıasynyń kezekshi bólimine jolaýshylar poıyzynyń belgilenbegen jerde temirjoldy kesip ótip bara jatqan er adamdy qaǵyp ketkeni týraly habarlama tústi. Zardap shekken turǵyn alǵan jaraqaty saldarynan aýrýhanada kóz jumdy»,- deıdi QR İİM Kóliktegi polısıa departamentiniń baspasóz hatshysy Lázzat Qasymjanova.
Atalǵan derek QR Qylmystyq kodeksiniń 344-babynyń 2-bóligi (Abaısyzda adam ólimine ákep soqqan jol qozǵalysy nemese temirjol kóligin paıdalaný qaýipsizdigi qaǵıdalaryn buzý) boıynsha sotqa deıingi tergep-tekserýdiń biryńǵaı tizilimine tirkeldi.
«Ózge málimetter, QR Qylmystyq-prosestik kodeksiniń 201-babynyń talaptaryna sáıkes, tergeý múddesi úshin jarıa etilmeıdi», - dep atap ótti vedomstvo ókili.
Sonymen qatar, ol temirjoldyń qaýipti aımaq ekenin eske saldy.