Qalanyń bas shyrshasyn jaǵýdyń saltanatty rásimi Abaı alańynda ótti, dep habarlaıdy Almaty-akshamy.kz.
Shyrsha shamdary resmı iske qosylǵan soń, qazaqstandyq estrada juldyzdarynyń qatysýymen konserttik baǵdarlama boldy. Almaty turǵyndary men qonaqtarynyń aldynda «Jigitter» toby, «Shamis» toby, Danıar Ótegen, Aıgerim Qalaýbaeva, Muhtar Hanzada, Kalifarniya, t.b tanymal ánshiler óner kórsetti.
Sondaı-aq, Aıaz ata, Aqshaqar jáne kelesi jyldyń sımvoly – Qoıan retinde kıingen anımatorlar almatylyqtardyń kóńil-kúıin kóterdi. Merekelik sharaǵa qatysýshylar úshin jedel basyp shyǵaratyn arnaıy foto-býdkalar, sýretke túsýge arnalǵan aımaqtar jáne jańajyldyq jármeńke de uıymdastyryldy.
