The story of one sky atty beıne týyndysyn tanystyrdy.
Bul týraly İ Orta Azıa medıaforýmynda pikir bólisken elimizdiń belgili ánshisi Dımash Qudaıbergen aıtty, dep habarlaıdy Almaty-akshamy.kz Egemen.kz silteme jasap.
Atalǵan medıaforýmǵa shetelden kelgen 100-den asa sarapshylar qatysýda. Medıaforýmnyń kezekti sesıasynda «Beıbitshilik etıkasy» taqyrybynda oı órbidi. Oǵan qazaqstandyq álemge tanymal ánshi Dımash Qudaıbergen men brıtandyq akter, rejıser, Peace One Day jahandyq jobasynyń negizin qalaýshy Djeremı Gıllı qatysty.
Dımash Qudaıbergen óziniń The story of one sky atty beıne týyndysyn tanystyrdy.
«Jaman ult degen túsinik joq. Nashar memleket basshylary bar. Muny moıyndaý kerek. Biz násilge, ultqa, dinge bólinemiz. Biraq bárimiz jer ananyń balasy ekenimizdi umytpaýymyz kerek. Biz bir kúnniń, bir aspannyń perzentimiz», - dep atap ótti ánshi.
Sondaı-aq Dımashqa «Elimizdiń damýy men beıbit el bolýy úshin jastar qandaı sheshim qabyldaýy kerek?» degen suraq qoıyldy
«Eń aldymen, adamdarda bir-birine degen adamgershilik bolýy tıis. Ósip kele jatqan óskeleń urpaqqa bizdiń ulttyq qundylyǵymyz - táýelsizdik ekenin uǵyndyrýymyz qajet»,- dep jaýap berdi ol.
Sesıa sońynda Djeremı Gıllı búgingi forýmǵa qatysqanyna óte qýanyshty ekenin aıtty.
«Bul forýmnyń nátıjesinde áriptestik artady. Sondaı-aq bolashaq urpaqty beıbit el qurýǵa baǵyttalǵan. Men osy forýmǵa kelip, sizdermen tanysqanyma óte qýanyshtymyn», - dedi D.Gıllı