Bıyl Almatynyń Almaly aýdanynda skverlerdi, aýlalardy, jaǵalaýdy, skeıt-alańdy jáne taǵy basqa nysandardy abattandyrý boıynsha belsendi jumys júrgizildi.
«Búdjetke qatysý» aıasynda almatylyqtardyń qalaýy boıynsha 70 joba júzege asyrylýda, olardyń 54-i aıaqtaldy, dep habarlaıdy Almaty-akshamy.kz
Almaly aýdanynda ARO úsh skveri, Baıtursynov, Býdan, Tóle bı men Maqataev arasyndaǵy Esentaı ózeniniń jaǵalaýy abattandyryldy. Varlamov-Tóle bı skeıt-alańy jaqsartylyp, Kýrılskaıa kóshesindegi jeke sektor turǵyndary úshin Raıymbek dańǵylynan joǵary balalar alańy ornatyldy. Bos ýchaskelerge (Qabanbaı batyr – Jarokov, Muqanov – Shevchenko jáne Muqanov - Qurmanǵazy) demalys oryndary jaılastyryldy.
E. Seıtenovtyń aıtýynsha, ARO men Bıokombınat janyndaǵy skverlerde, sondaı-aq Maqataev aýlasynda turǵyndar kópten kútip júrgen ıtterdi serýendetýge arnalǵan alańdar ashyldy.
Abattandyrýdyń eń úlken jobalarynyń biri 1 610 qoqys jáshigin ornatý boldy. Sonymen qatar, aýdanda Tóle bı – Rozybakıev, Almaty ózeni boıyndaǵy jáne Gandı saıabaǵyndaǵy alańdardyń rezeńke jabyny jańartyldy.
Almaly aýdanynyń ákimi Prokofev kóshesinde (Tóle bıden Brúllovqa deıin) nóser torlary ornatylǵanyn, sondaı-aq Muratbaev-Qabanbaı batyr; Muratbaev-Bógenbaı batyr; Seıfýllın kóshesi, 450, Jibek joly kóshesiniń qıylysy, Klochkov - Shevchenko; Nazarbaev dańǵyly, 57, Maqataev kóshesiniń qıylysyndaǵy aýlalarda bes qoqys alańy jańǵyrtylǵanyn habarlady.
«Búdjetke qatysý» baǵdarlamasynyń taǵy bir jobasy «Sosnovyı» skverinde jáne Qazaq drama teatrynda, Saıran kóliniń jaǵalaýynda jáne Qojamqulov – Jambyldaǵy skeıtparktyń soltústiginde tórt modýldi dárethanany ornatý boldy.
Qazirgi kezde qalǵan jobalar boıynsha jumystar júrgizilýde. Aıta keterligi, 2022 jyly Almaly aýdany turǵyndarynyń qatysýymen jobalardy júzege asyrýǵa 2,5 mlrd teńge bólindi.