Alaıaqtardyń arbaýyna túsken jábirlenýshilerdiń báriniń oqıǵasy uqsas bolyp shyqty.
Alaıaqtyq jaıynda qalanyń birneshe turǵyny polısıaǵa habarlasqannan keıin belgili boldy. Barlyǵynyń oqıǵasy birdeı boldy. Páterdi satyp alý kezinde “satýshy” aqshany alyp, iz-tússiz ketken. 55 jastaǵy K.esimdi azamat pen 40 jastaǵy áıel ıpotekada turǵan páterleri bar ekendigin jáne qalyptasqan jaǵdaıǵa baılanysty tez arada arzandatylǵan baǵamen satylyp jatqany týraly aqparat taratqan. Árıne, satyp alýshylar az bolmady. Alaıaqtar páterdi “satqannan” keıin aqshasyn alyp, baılanyssyz ketken, dep habarlaıdy Almaty-akshamy.kz Polisia.kz-ke silteme jasap.
"Krımınaldyq polısıa qyzmetkerleri bul qylmysty jasady degen kúdiktilerdi anyqtap, ustady. Qazirgi ýaqytta polısıa basqarmasyna 7 jábirlenýshiniń aryzy túsken. Asa iri kólemdegi alaıaqtyq deregi boıynsha QR QK-niń 190-baby 3-bóliginiń 1-tarmaǵyna sáıkes qylmystyq is qozǵaldy", – deıdi Medeý aýdandyq polısıa basqarmasynyń bastyǵy Dáýren Ótebaev.
Qazirgi ýaqytta qosymsha tergeý amaldary júrgizilýde. Al ustalǵan adamdar buryn jasalǵan osyndaı qylmystarǵa qatysy bar-joǵyna tekserilip jatyr.