Qyrkúıek aıyna deıin Almaty aglomerasıasyn damytýdyń keshendi jospary ázirlengen.
Almaty qalasynyń ákimdigi Memleket basshysynyń tapsyrmalaryn belsendi iske asyrýda. Bul týraly Ortalyq komýnıkasıalar qyzmetinde ótken brıfıńte Erbolat Dosaev aıtty, dep habarlaıdy Almaty-akshamy.kz.
Onyń aıtýynsha, qala ekonomıkasynyń turaqty ósýi qamtamasyz etildi. Aǵymdaǵy jyldyń 5 aıynyń qorytyndysy boıynsha qysqa merzimdi ekonomıkalyq ındıkator 107,6%-ke deıin ósti.
«Osy jyldyń basynan beri 16,3 myń jumys orny quryldy. 3,3 myń oryndyq 54 balabaqsha ashyldy, 45 shaqyrym ınjenerlik jeli salyndy. Gazben júretin 300 avtobýs satyp alyndy, 145 myń aǵash otyrǵyzyldy», - dedi ol.
Sonymen qatar, ákim qyrkúıek aıyna deıin Almaty aglomerasıasyn damytýdyń keshendi jospary ázirlengenin jetkizdi. Bul josparda megapolıs pen Almaty oblysy sınergıasynyń jobalary aıqyndalatyn bolady.
«Joǵary ınvestısıalyq belsendilik baıqalady, jyl basynan beri negizgi kapıtalǵa salynatyn ınvestısıalar 20,9%-ke ósti. Qala ekonomıkasynyń negizgi salasy – saýda jyl basynan beri alǵash ret 1,7%-ke ósip, «oń aımaqqa» shyqty. Osy jyldyń 5 aıynda Almatydaǵy iskerlik belsendilik ındeksi 4 prosenttik tarmaqqa ósip, mamyr aıynyń sońynda 48,7%-ti qurady. Birinshi jarty jyldyqtyń qorytyndysy boıynsha 50%-ten astam deńgeımen oń aımaqqa shyǵý kútiledi»,- dedi qala ákimi.