Almatyda turǵyn úı mańyndaǵy aýmaqtardy kógaldandyrýǵa jáne qala turǵyndary arasynda ekologıalyq mádenıetti qalyptastyrýǵa baǵyttalǵan «Jasyl aýla» ekologıalyq aksıasynyń kúzgi kezeńi aıaqtaldy, dep habarlaıdy aqshamnews.kz
Bul týraly Almatynyń Ekologıa jáne qorshaǵan orta basqarmasynyń ókilderi habarlady.
Aksıa jyl saıyn kóktem men kúz mezgilinde ótkiziledi, bul qala turǵyndaryn, komýnaldyq qyzmet pen qoǵamdyq uıymdardy biriktiretin ıgi is-sharaǵa aınaldy. Jobanyń basty maqsaty – almatylyqtardy kóriktendirý isine tartý jáne úı janynda jaıly jasyl orta qalyptastyrý.
Basqarmanyń málimetinshe, 18-19 qazanda ótken aksıa barysynda 55 ótinim qabyldanyp, qanaǵattandyryldy. Qala turǵyndaryna 528 kóshet, onyń ishinde 409 aǵash jáne 119 buta berildi.
Aksıa barysynda Bostandyq aýdanynyń turǵyndary erekshe belsendilik tanytty, úı mańyndaǵy jáne qoǵamdyq aýmaqtarǵa otyrǵyzý úshin 124 kóshet aldy. Aýdan qalalyq ortany kógaldandyrýǵa joǵary bastamashylyq pen qyzyǵýshylyq tanytty.
Ekologıa jáne qorshaǵan ortany qorǵaý basqarmasy aksıa qatysýshylarynyń belsendiligin arttyratynyn, qalanyń ekologıalyq kelbetin jaqsartatynyn atap ótti. Joba turǵyndar men qala qyzmetteri arasyndaǵy áriptestikti nyǵaıtýǵa, qorshaǵan ortaǵa jaýapkershilikpen qaraýǵa, Almatynyń jasyl qoryn kózdiń qarashyǵyndaı saqtaýǵa yqpal etedi.