37 jastaǵy er adam arzan úı alyp berý qyzmetin usynǵan.
Almaty polısıasy azamattardy 48 mln teńgege aldaǵan kúdiktini ustady, dep habarlaıdy Almaty-akshamy.kz Polisia.kz-ke silteme jasap.
Belgili bolǵandaı, oǵan sengender az bolmaǵan.
«Aldyn ala tólem somasy “qyzmetine” baılanysty ózgerip otyrdy. Keltirilgen shyǵynnyń jalpy somasy shamamen 48 mıllıon teńgeni quraıdy. Qazir tergeýshiler ustalǵan azamattyń osyǵan uqsas qylmysqa qatysy bar-joǵyn tekserip jatyr. Qylmystyq is asa iri kólemdegi alaıaqtyq deregi boıynsha tergelip jatyr. Kúdikti ýaqytsha ustaý ızolátoryna qamaldy. Aıtpaqshy, buǵan deıin er adam osyǵan uqsas qylmys jasaǵany úshin sotty bolǵan», – deıdi Almaly aýdandyq polısıa basqarmasynyń bastyǵy Oljas Sháripov.