Ataqty sýretshiler Pablo Pıkasso men Mark Shagaldyń urlanǵan kartınalary jertóleden tabyldy.
Belgıanyń Antverpen qalasyndaǵy ǵımarattyń jertólesinen tabylǵan Pablo Pıkasso men Mark Shagaldyń Tête jáne L'homme en priere dep atalatyn týyndylary 2010 jyly Izraıl azamatynyń koleksıasynan urlanǵan, dep habarlaıdy Almaty-akshamy.kz Lenta.ru-ǵa silteme jasap.
Qylmyskerler ol úıden sýrettermen birge 680 myń dollar turatyn zergerlik buıymdardy da ketken. Biraq sýretter jasyrylǵan jerden zergerlik buıymdar tabylǵan joq.
Belgıanyń quqyq qorǵaý organdary kartınalardy joǵaltqan adamnyń shaǵymynan keıin tergeýdi bastady.
Quqyq qorǵaýshylardyń aıtýynsha, kúdikti eki sýretti de satqysy kelgen. Odan keıin polıseıler onyń izine túsip, qamaýǵa alǵan. Qazir ustalǵan azamattyń kartınalardy urlaýǵa qatysynyń bar-joǵy anyqtalyp jatyr. Reuters agenttiginiń málimetine qaraǵanda, ol kartınalardyń jalpy quny 900 myń dollarǵa baǵalanyp otyr.