Basty nazar – quqyq buzýshylyqtyń aldyn alý.
Alkogól ónimderin satýǵa qatysty Qazaqstan Respýblıkasy zańnamasynyń talaptaryn buzý derekterin anyqtaý maqsatynda Almaty polısıasy jergilikti reıd júrgizip jatyr, dep habarlaıdy Almaty-akshamy.kz Polisia.kz-ke silteme jasap.
Almaty qalasy Almaly aýdanynyń polıseıleri 21 jasqa tolmaǵandarǵa jáne keshki saǵat toǵyzdan keıin alkogóldik ónimderdi satýǵa tyıym salynatynyn eskertetin kórneki ónimder shyǵardy.
«Maqsat – alkogól ónimderin, onyń ishinde kámeletke tolmaǵandarǵa satýǵa baılanysty quqyq buzýshylyqtardyń aldyn alý jáne eskertý. Bizdiń mindetimiz – mundaı derekterdi der kezinde toqtatý jáne anyqtaý, eresek turǵyndardy balalar úshin, bizdiń bolashaǵymyz úshin jaýapkershilikti arttyrýǵa shaqyrý. Aqparattyq broshúralarda QR ÁQBtK-niń 200-babynyń talaptaryn naqty túsindiredi jáne alkogóldi satý sharttaryn sıpattaıdy. Olar halyq arasynda, ásirese, saýda oryndarynda bar», – deıdi Almaly aýdandyq polısıa basqarmasy bastyǵynyń orynbasary Dıas Dýanbekov.