Almatyda Qurylysshylar kúnine arnalǵan saltanatty is-shara ótti.
Almaty ákimi orynbasary Beıbit Shahanov Memleket basshysynyń atynan kóp jylǵy eńbegi men qalanyń damýyndaǵy joǵary jetistikteri úshin sala ókilderine qurmet nagradalaryn tabys etti, dep habarlaıdy aqshamnews.kz.
"Qurmet" ordenimen "Montajspesstroı" AQ dırektorynyń orynbasary Lılıa Vertıeva jáne "Dıal-Stroı" JSHS Bas dırektorynyń orynbasary Baqyt Rymjanov marapattaldy. III dárejeli "Eńbek Dańqy" ordenimen – "BAITAU INVEST" JSHS jobalarynyń bas sáýletshisi Gúlnar Esenbekova. Sondaı-aq "Eren eńbegi úshin" medaldary tabystaldy.
Ákimniń orynbasary óz quttyqtaýynda qalanyń damý qarqyny jáne sonyń saldarynan qala turǵyndarynyń ómir súrý sapasy qurylysshylardyń jumys nátıjelerine baılanysty ekenin atap ótti.
"Qalada jyl saıyn mektepter, aýrýhanalar, turǵyn úıler, joldar, óndiristik nysandar salynady. Munyń bári bizdiń qurylysshylarymyzdyń arqasynda. Barlyq qatysýshylardy kásibı merekelerimen quttyqtaımyn jáne barlyq bastamalarǵa sáttilik tileımin", - dedi Beıbit Shahanov.