Kúdikti kinásin moıyndap, qylmysty qalaı jasaǵanyn aıtyp berdi.
Bul týraly Almaty qalalyq polısıa departamenti baspasóz qyzmeti málimdedi, dep habarlaıdy Almaty-akshamy.kz
Qalambaev kóshesindegi úılerdiń biriniń janynda eki myltyq pen patrondardy salatyn qalta kómilgen.
«Bizdiń bólimsheniń krımınaldyq polısıa qyzmetkerleri jedel izdestirý is-sharalaryn júrgizý barysynda bıylǵy jyldyń 6 qańtaryna qaraǵan túni qarý-jaraq dúkeninen qarý urlaǵany úshin 1994 jyly týǵan S.esimdi azamatty ustady. Aıǵaqty zat retinde turǵyn úı mańyna kómgen qarý-jaraq pen oq-dári tárkilendi. Atap aıtqanda, másele «Remington» myltyǵy, «Benelli» tegis uńǵyly myltyǵy, eki patron salatyn qalta jáne segiz patron týraly bolyp otyr. Kúdikti kinásin moıyndap, qylmysty qalaı jasaǵanyn aıtyp berdi. Qylmystyq is tergelýde», – dedi Almaly aýdandyq polısıa basqarmasynyń bastyǵy, polısıa polkovnıgi Esen Ysqaqov.