Bul is-shara Qazaqstan polısıasy kúni merekesi qarsańynda uıymdastyrylǵan. Elimizdegi polıseılerdiń kásibı merekesi 23 maýsymǵa belgilengen.
Almaty qalalyq PD basshylyǵy Fýrmanov shyńyn baǵyndyrdy, – dep habarlaıdy Almaty-akshamy.kz Polisia.kz-ke silteme jasap.
Polısıa aýa raıynyń qolaısyzdyǵyna qaramastan, jeksenbi kúni shyńǵa shyqty. Shyńdy baǵyndyrýshylar qatarynda Almaty PD basshylyǵy, aýdandyq basqarmalar men polısıa bólimderiniń basshylary, sondaı-aq departamenttiń derbes bólimsheleriniń qyzmetkerleri boldy.
«Shynymdy aıtsam, bul bizdiń qyzmetkerlerdiń taýǵa alǵashqy sapary emes. Kásibı bolmasa da, biraq joǵary sapaly áýesqoı deńgeıinde boldy. Jol ońaı bolǵan joq, tuman men jańbyr da belgili bir qolaısyzdyqtardy týdyrdy. Biraq, shyńǵa shyqqandardyń aldynda jalǵyz maqsat boldy – qashyqtyqty sońyna deıin jáne barlyq qurammen júrip ótý. Shyńǵa kóterilgennen keıin Qazaqstannyń Týy dástúrli túrde jelbiredi», – dedi Almaty qalalyq polısıa departamentiniń bastyǵy Qanat Taımerdenov.
Mereke oraı uıymdastyrylǵan bul shara jastarǵa patrıottyq, adamgershilik jáne rýhanı tárbıe turǵysynan jaqsy úlgi bolady.