Operasıa kúrdeli bolǵandyqtan, toǵyz saǵatqa sozyldy.
Dárigerler áıeldiń ishinen salmaǵy 7,5 keli ehınokokk kıstasyn alyp tastady, dep habarlaıdy Almaty-akshamy.kz
№7 qalalyq klınıkalyq aýrýhanasynyń hırýrg dárigeri Musa Sahıpovtyń aıtýynsha, naýqas Almaty oblysynan kelgen.
«Pasıentte aýyrsyný, ózin jáısiz seziný sıaqty eshqandaı belgi bolmaǵan. Tek sońǵy jyldary 3-4 keli salmaq qosqan. Qazan aıynyń basynda alergıaǵa ushyraıdy. Sóıtip, ol kisi turǵylyqty jeri boıynsha terapevt dárigerine qaralady. Ýzı jasatady, sol ýaqytta baýyrynda ehınokokk bar ekeni anyqtalady»,- deıdi dáriger.
Áıeldiń ishindegi úlken ehınokokk kıstasyn almatylyq dárigerler alyp tastady.
«Operasıany 26 qazan kúni jasadyq. Mundaı ehınokokk óte sırek kezdesedi. Áıeldiń ish qurylysyn túgel alyp jatyr. Onyń jarylyp ketý qaýpi óte joǵary boldy. Operasıa kezinde baýyrdan 500 ml qan joǵalttyq. Bir doza qan quıdyq. Operasıa kúrdeli bolǵandyqtan, toǵyz saǵatqa sozyldy»,- deıdi № 2 hırýrgıa bólimshesiniń meńgerýshisi Musa Sahıpov.
Naýqas eki kún jansaqtaý bóliminde jatty, qazir bólimshege aýysty. Ómirine qaýip joq.