KİAǴZI-daǵy dıagnostıka men emdeýdiń zamanaýı ádisteri ishektiń qabyný aýrýy (İQA) bar pasıentterge aýrýdyń remısıasyna qol jetkizýge jáne eńbekke qabilettiligin saqtaýǵa múmkindik berdi.
Kardıologıa jáne ishki aýrýlar ǵylymı-zertteý ınstıtýty 2023 jyly terapıamamandyqtardy, onyń ishinde gastroenterologıany damytýǵa baǵyttaldy. ǴZI mamandary asqazan-ishek joldarynyń patologıasyn, onyń ishinde ishektiń qabyný aýrýlaryn dıagnostıkalaý men emdeýde joǵary tıimdi tehnologıalardy ázirleý jáne engizý boıynsha úlken jumys júrgizýde, dep habarlaıdy Almaty-akshamy.kz QR Denaýlyq saqtaý mınıstrligine silteme jasap.
Qazaqstanda İQA aýrýynyń ósýi birinshi jyl emes. Árıne, buǵan aýrýdy anyqtaý men dıagnostıkany jaqsartý, halyqtyń dıagnostıkalyq tehnologıalarǵa qol jetimdiligi, mamandardyń habardar bolýy men daıarlyǵyn arttyrý yqpal etedi.
Aǵymdaǵy jyly ınstıtýtta dıagnostıkanyń zamanaýı ádisteri engizildi: Kron aýrýy kezindegi toq ishek stenozdarynyń balondyq dılatasıasy, toq ishektiń bir balondyq asıstenttelgen enteroskopıasy (ıntestınoskopıa) - patologıalyq ózgerister úshin ash ishektiń shyryshty qabyǵyn tekserýge múmkindik beretin endoskopıalyq zertteýdiń zamanaýı jáne dál ádisi, MR-enterografıa - ash ishektiń egjeı-tegjeıli beınelerin alýǵa múmkindik beretin aýyrtpalyqsyz ádis pasıenttiń ishektiń qabyný aýrýlaryn dıagnostıkalaý jáne ýaqtyly emdeý múmkindikterin edáýir keńeıtti.
«Kron aýrýy men oıyq jaraly kolıt ómir boıǵy aýrýlarǵa jatatynyna qaramastan, olardy ýaqtyly durys dıagnostıkalaý jáne saýatty emdeý arqyly aýrýdyń aýyr túrge ótýine jol bermeı, turaqty remısıaǵa qol jetkizýge bolady. Osynyń arqasynda İQA bar adamdar tolyqqandy ómir súre alady, eńbekke qabilettiligin saqtaı alady. Qazaqstandyqtarǵa qoljetimdi dıagnostıkalyq rásimderdiń keń aýqymynan basqa, álemdik farmındýstrıa İQA emdeý úshin únemi jańa, neǵurlym tıimdi preparattardy ázirleıdi. Qazaqstanda jyl saıyn osy preparattarmen qamtamasyz etý jaqsaryp keledi. 2013 jyldan bastap qazirgi zamanǵy qymbat bıologıalyq terapıany qosa alǵanda, İQApasıentterin emdeýdi memleket óteıdi», - deıdi №1 terapıa bólimshesiniń meńgerýshisi Gaýhar Qojakeeva.
«Kron aýrýy dıagnozy qoıylǵan pasıentte (50 jasta) stenoz túrinde aýrýdyń asqynýy boldy (ishek qýysynyń tarylýy), ol №1 terapıa bólimshesinde birneshe ret stasıonarlyq em qabyldady. Emdeýden keıin aýrýdyń turaqty remısıasy baıqalady. Ol sondaı-aq bizdiń bólimshede emdeý kýrsynan ótti, onda ol birneshe ret oń áser etetin toq ishektiń balondyq dılatasıa ótti», - dep atap ótti endoskopıa jáne ıntervensıalyq gastroenterologıa bólimshesiniń meńgerýshisi Alma Habıjanova.
Pasıent óziniń 2 jyl aýyratyndyǵyn aıtty. Oǵan dıagnoz qoıa almady, ishekten qatty qan ketti, salmaǵy nebári 37 kg boldy, al KİAǴZI-da birden dıagnoz qoıyldy.
Alma dárigerler Gaýhar Qabdoldaıqyzy men Alma Serikqyzyna alǵys aıtýdan jalyqpaıdy, olardyń joǵary kásibıligin, quzyrettiligin, janashyrlyǵy men uqyptylyǵyn, jáne, árıne, densaýlyǵynyń jaqsarǵanyn atap ótti. «Men qazir tipti salmaq jınadym», - deıdi ol.
Aıtpaqshy, klınıkada asqazan-ishek joldarynyń aýrýlaryn dıagnostıkalaý jáne emdeý boıynsha medısınalyq qyzmetterdi alýǵa bolady, mysaly: óńesh, asqazan, ishek aýrýlary, baýyr jáne uıqy bezi aýrýlary, asqazan-ishek joldarynyń joǵarǵy patologıasynyń asqynýlaryn dıagnostıkalaý, emdeý jáne profılaktıkasy (gastroezofagealdyq reflúks aýrýy, Barret óńeshi, gastrıt, asqazan men ultabardyń oıyq jara aýrýy), asqazan-ishek joldarynyń patologıasy bar pasıentterdi hırýrgıalyq aralasýǵa daıyndaý, stomasy bar pasıentterdi basqarý, asqazan-ishek joldarynyń isik patologıalaryn erte dıagnostıkalaý, óńeshtiń varıkozdy tamyrlaryn baılaý jáne taǵy basqalar.
Instıtýttyń josparynda zamanaýı zerthanalyq qyzmetti damytý, endoskopıa, gepatologıa, revmatologıa jáne basqa da terapıalyq baǵyttardaǵy mamandardyń saraptamasyn tereńdetý bar.