Almaty Qalalyq kardıologıalyq ortalyǵynda alǵash ret júrektiń mıtral jáne trıkýspıdaldy qaqpaqshalaryna plasıka jasaý arqyly sátti ota júrgizildi, dep habarlaıdy aqshamnews.kz
Pasıentke sırek tyǵyzdalmaǵan mıokard jáne mıtral men trıkýspıdaldy qaqpaqshalardyń aıqyn jetkiliksizdigi dıagnozy qoıylǵan.
Ota júrek soǵyp turǵan kúıinde (Beating heart) jasaldy. Bul qazaqstandyq kardıohırýrgıa tájirıbesinde óte sırek kezdesetin jaǵdaı.
Otany Qalalyq kardıologıalyq ortalyqtyń dırektory, kardıohırýrg Ermagambet Kýatbaev basqarǵan hırýrgıalyq komanda júrgizdi.
18 jastaǵy qyz júrek jetkiliksizdiginiń dekompensasıalanǵan klınıkalyq belgileri jáne sol qarynshanyń tómen shyǵarym fraksıasymen shuǵyl túrde Kardıologıalyq ortalyqqa jatqyzyldy.
Pasıent jaǵdaıynyń aýyrlyǵyn jáne júrek transplantasıasyna kórsetkishterin eskere otyryp, rekonstrýktıvtik ota jasaý týraly sheshim qabyldandy, óıtkeni jaqyn ýaqytta donor tabý jáne transplantasıa júrgizý múmkin bolmady.
Gemodınamıkalyq turaqsyzdyqqa baılanysty qyz reanımasıalyq bólimshege jatqyzylyp, arterıalyq qysymdy qoldaýǵa arnalǵan preparattardy qabyldady.
Keshendi tekserý nátıjeleri (EHO, MRT) tyǵyzdalmaǵan mıokard jáne júrek qaqpaqshalarynyń aıqyn jetkiliksizdigi dıagnozyn rastady.
Bul jaǵdaı Pá Iýrıı Vladımırovıch basshylyǵymen Heart Team UMC Júrek ortalyǵy mamandarymen telemedısına arqyly talqylandy.
Asqynýdyń joǵary qaýpine baılanysty júrekke soǵyp turǵan kúıinde ota jasaý sheshimi qabyldandy. Klasıkalyq nusqa, ıaǵnı jasandy qan aınalymyn paıdalanyp júrekti ýaqytsha toqtatý, mıokardta qaıtymsyz ózgeriske jáne aýyr júrek jetkiliksizdiginiń damýyna ákelýi múmkin edi.
Tyǵyzdalmaǵan mıokard - júrek qarynshalarynyń mıokard qurylymynyń buzylýymen sıpattalatyn genetıkalyq aýrý.
Bul patologıa óte sırek, halyqtyń shamamen 0,015%-da ǵana, kezdesedi jáne kóbine júrek jetkiliksizdiginiń tez damýyna jáne kenet ólim qaýpine ákeledi.
Ermagambet Kýatbaev: «Bul jaǵdaı tek aýrýdyń sırek kezdesýimen ǵana emes, sonymen qatar hırýrgıalyq tásildiń aıryqsha bolýymen erekshe. Mıtral jáne trıkýspıdaldy qaqpaqshalarǵa plasıka jasaý - olardyń ózin saqtaý jáne fýnksıasyn qalpyna keltirýge múmkindik berdi, bul pasıenttiń ári qaraıǵy ómir sapasy úshin óte mańyzdy. Eń bastysy, bul ota júrek transplantasıasyn kúte turýdy múmkin etedi", - dep atap ótti.
Qazir pasıent reabılıtasıadan ótip, úıge shyǵýǵa daıyndalyp jatyr. Qalalyq kardıologıalyq ortalyqtyń dárigerleri onyń densaýlyǵyn baqylaýdy jalǵastyrady.