QR İİM Ulttyq ulannyń Almaty qalasyndaǵy Keńes Odaǵynyń Batyry, gvardıa polkovnıgi Baýyrjan Momyshuly atyndaǵy 5571 áskerı bólimine kúzgi shaqyrylymnyń alǵashqy sarbazdary keldi.
Alǵashqy lek Qaraǵandy jáne Aqtóbe qalalarynan jetkizildi. Jas tolyqtyrýlardy áskerı bólimniń jeke quramy saltanatty túrde qarsy aldy.
Bólim komandıri polkovnık Maqsat Baımaǵulov sarbazdarmen arnaıy júzdesip, quttyqtaý sózin aıtty.
"Búgin sizder Ulttyq ulan sapyna qosylyp, abyroıly ári jaýapty qyzmet jolyna qadam bastyńyzdar. Áskerı tártipti qatań saqtap, Otanǵa adal qyzmet etesizder dep senemin. Bólimimiz árbir sarbazdyń shyńdalyp, naǵyz jaýynger bolyp qalyptasýyna barlyq jaǵdaı jasaıdy", - dedi bólim komandıri.
Kelgen jas sarbazdar úshin alǵashqy túsindirme sabaqtary uıymdastyrylyp, áskerı forma jıyntyǵy berildi. Endi olar Jas sarbazdardy oqytý pýnktinde bastapqy jaýyngerlik daıyndyqtan ótedi. Oqý baǵdarlamasyn tolyq meńgergen soń, áskerı ant qabyldaıdy.
Ant qabyldaǵannan keıin sarbazdar Almaty qalasynyń qaýipsizdigi men qoǵamdyq tártibin qamtamasyz etý mindetterin oryndaıtyn bólinisterge bólinetin bolady.