Shara aıasynda 5000 túp aǵash otyrǵyzylady.
Búgin Almaty qalasynyń barlyq aýdandarynda «Almaty Clean&Green» jalpyqalalyq tazalyq sharasy ótýde, dep habarlaıdy Almaty-akshamy.kz.
Ataqty aqyn, fılosof Muratqan Shoqan da syrt qalmaı, Baým atyndaǵy toǵaıdaǵy senbilikke qatysty.
«Barlyǵymyz úshin tabıǵatty saqtaý mańyzdy is bolyp sanalady, biz ony aınalyp óte almaımyz. Búgingi senbilikte qala turǵyndary, eriktiler, ónerpazdar kóp. Mundaı senbilikti aptasyna bir ret ótkizý kerek dep esepteımin, óıtkeni jasyl jelekterdi qurmettep, kútip ustaýymyz kerek. Meniń oıymsha, bul bizdiń ómirimizdi mándi etedi. Senbi kúni senbilik ótkizip qana qoımaı, kúndelikti ómirde de osyny ustanýymyz kerek», – deıdi Muratqan Shoqan.