Skverdiń aýmaǵynda kúrdeli jóndeý jumystary 15 jyldan astam ýaqyt boıy júrgizilmegen. Qazirgi ýaqytta alań qaraýsyz qalǵan kúıde kórinedi:
- saıabaqtyń úlken aýmaǵynda túngi ýaqytta jaryq joq;
- trotýarlardyń tósemi qanaǵattanarlyqsyz jaǵdaıda, synǵan, keı jerlerde eleýli olqylyqtar oryn alǵan;
- gazondar taptalyp, búkil aýmaqtyń shóbi joıylǵan;
- sýarý júıesi isten shyqqan ;
- shaǵyn sáýlet pishinderi, oryndyqtar, ýrnalar jáne t.b. qanaǵattanǵysyz jaǵdaıda.
Sonymen qatar Oqýshylar saraıynyń janyndaǵy skver QR "Tarıhı-mádenı mura obektilerin qorǵaý jáne paıdalaný týraly" Zańymen qorǵalady. Skverdiń aýmaǵy resmı túrde Almaty qalasynyń tarıhı-mádenı mura obektileriniń, eskertkishterdiń Qorǵaý aımaǵyna, qurylys salýdy retteý aımaǵyna jáne qorǵalatyn tabıǵı landshaft aımaǵyna kiredi.
Skverdi qaıta qurýdyń aǵymdaǵy jobasy 2021 jyly ázirlendi. Aıaqtalý merzimi - 2022 jylǵy 30 qarasha. Skverdiń jalpy alańy - 5 ga.2021 jylǵy jeltoqsanda "EC ENERGY Qazaqstan"JSHS merdigerlik uıymymen tıisti shart jasaldy.
Saıabaqty rekonstrýksıalaý onyń bastapqy kelbetin ózgertýdi qarastyrmaıdy. Asfált tósemimen aýystyrý jazǵy kezeńde asfált jabynynyń tez qyzýyna baılanysty júrgiziledi, bul turǵyndarǵa yńǵaısyzdyq týǵyzady. Jóndeý jumystary júrgizilgennen keıin ýaqytsha bólshektelgen granıt jabyndary men qabyrǵalar eskertkishterdiń aınalasynda jáne ortalyq aleıanyń boıynda qaıta ornatylady.
Jobada qarastyrylatyny:
- qoldanystaǵy aýmaqty halyqtyń túrli jastaǵy toptaryna arnalǵan kópbeıindi keńistik retinde qaıta qurý. Sondaı-aq múmkindigi shekteýli jandar úshin jaıaý júrginshiler ınfraqurylymyn jaqsartý;
- burynnan bar sýarý júıesin qalpyna keltirý;
- keshki ýaqytta skverdiń qaýipsizdigin qamtamasyz etý úshin syrtqy jaryqtandyrý júıesin ázirleý;
- jańbyr jaýǵan kezde aýmaqty sý basýyna jol bermeý maqsatynda sý burý júıesin ázirleý;
- aýmaqta balalar shyǵarmashylyǵyna arnalǵan alańdardy, túrli shaǵyn sáýlet pishinderin, oıyn tóbelerin, ústel oıyndaryna arnalǵan alańdardy, shaǵyn amfıteatrdy jasaý qarastyrylǵan.
Jobada skverdiń qurylymyn ózgertý, saý aǵashtardy kesý qarastyrylmaǵan. Joba skverdi saqtaýǵa jáne onyń fýnksıonaldyq jaǵdaıyn qoldaýǵa baǵyttalǵan. Sondaı-aq, joba jurtshylyqpen birneshe ret talqylanǵanyn, zańnamada belgilengen tártippen resmı qoǵamdyq tyńdaýlar óken bolatyn. Joba vnevedomstvalyq keshendi saraptamanyń oń qorytyndysyn aldy jáne bekitilgen tehnıkalyq-ekonomıkalyq kórsetkishtermen iske asyrýǵa usynyldy.
Eske salsaq, rekonstrýksıalaý boıynsha alǵashqy joba 2018 jyly ázirlengen bolatyn. Joba shyn máninde jasyl jelekterdi kesý jáne alańnyń bastapqy kelbetin ózgertý boıynsha kóptegen jumystardy qamtydy. Osyǵan baılanysty aǵashtardy jáne skverdiń bastapqy kelbetin saqtaı otyryp, qaıta saraptama júrgizildi.
- Internette aqaýly granıt shekaralarynyń beıneleri paıda bolýda. Jumysty tekserý barysynda basqarma mamandary bólshekteý kezinde granıt jıekteriniń zaqymdaný faktisin anyqtady.
Osyǵan baılanysty merdiger uıymǵa qatysty abattandyrý erejelerin buzǵany úshin ákimshilik jazalaý sharalary qabyldandy.
Aıta keterligi, Oqýshylar saraıynyń janyndaǵy skverde jóndeý jumystary júrgizilgennen keıin ýaqytsha bólshektelgen granıt jıektastary men qabyrǵa aralyqtary eskertkishterdiń aınalasyna jáne ortalyq aleıanyń boıyna qaıta ornatylady, - dedi Almaty qalasy ekologıa jáne qorshaǵan orta basqarmasynyń basshysy Serik Ádilbaev.