Almatyda Qalalyq kólik qozǵalysyn jáne jolaýshylar tasymalyn uıymdastyrý basqarmasy Polısıa departamentimen birlesip, jol qozǵalysy qaýipsizdigin arttyrý jáne keptelisterdi azaıtý boıynsha keshendi jumystardy júzege asyryp keledi.
Kólik júrgizýshileriniń Qazaqstan Respýblıkasynyń Ákimshilik quqyq buzýshylyq týraly kodeksiniń 594-babynda kózdelgen talaptardy buzýyn boldyrmaý maqsatynda qalanyń on qarqyndy qozǵalysty qıylysynda 1.28 sandy jolaq – "retteletin qıylys aımaǵyn belgileý" (ıaǵnı, "vafel" jolaq) syzyldy.
Jańa jolaqtar kelesi kóshe qıylystarynda paıda boldy:
• Abaı dańǵyly – Nazarbaev dańǵyly;
• Abaı dańǵyly – Masanchı kóshesi;
• Abaı dańǵyly – Brýsılovskıı kóshesi;
• Abaı dańǵyly – Momyshuly kóshesi;
• Abaı dańǵyly – Turǵyt Ozal kóshesi;
• Abylaı han dańǵyly – Bógenbaı batyr kóshesi;
• Sátbaev kóshesi – Naýryzbaı batyr kóshesi;
• Sátbaev kóshesi – Jarokov kóshesi;
• Jandosov kóshesi – Jarokov kóshesi;
• Rozybakıev kóshesi – Tóle bı kóshesi.
Bul shara kólikterdiń toqtaýsyz júrýine jáne jol qozǵalysy kezinde kólikterdiń keptelis jaǵdaıynda qıylystyń ortasynda toqtap, kóldeneń baǵyttaǵy qozǵalysqa kedergi keltirmeýge baǵyttalǵan.
Basty maqsat – júrgizýshiler tártibin kúsheıtý, jol-kólik oqıǵalarynyń sanyn azaıtý jáne ásirese, qarbalas saǵattarda kólik qozǵalysynyń úzdiksizdigin qamtamasyz etý.
Ákimshilik polısıa basqarmasymen jáne "Kórkem Telekom" JSHS-men birlesip, atalǵan aýmaqtarǵa foto jáne beınebaqylaý kameralaryn ornatý boıynsha pılottyq jobany aldy. Eger oń nátıje kórsetse, joba kezeń-kezeńimen qalanyń basqa kóshelerinde de engiziledi.
"Vafel" jolaqtar men zamanaýı baqylaý júıelerin qoldaný – Almatydaǵy jol qozǵalysyn uıymdastyrýdy jetildirý jáne jol qaýipsizdigin arttyrý baǵytyndaǵy júıeli jumystyń bir bóligi.