Almatyda shilde aıynda 214 memlekettik bilim berý uıymdaryna 2023-2024 oqý jylyna daıyndyǵyn anyqtaý maqsatynda monıtorıń júrgizildi.
Bul týraly Óńirlik komýnıkasıalar qyzmetiniń alańynda Bul týraly Óńirlik komýnıkasıalar qyzmetiniń alańynda Almaty qalasynyń Bilim sapasyn qamtamasyz etý departamentiniń basshysy Gúlnár Ermekbaeva aıtyp berdi, dep habarlaıdy Almaty-akshamy.kz.
Esterińizge sala keteıik, Departament - bilim berý qyzmetterin kórsetý sapasyn arttyrýǵa, bilim berý salasyndaǵy memlekettik saıasatty iske asyrýǵa baǵyttalǵan baqylaý jáne iske asyrý fýnksıalaryn júzege asyratyn QR OAM aýmaqtyq organy.
Monıtorıńke Almaty qalasynyń bilim salasynda sapany qamtamasyz etý departamentiniń, Abaı atyndaǵy Ulttyq pedagogıkalyq ýnıversıtetiniń jáne aımaqtyq «Órleý» Ulttyq biliktilikti arttyrý ortalyǵynyń qyzmetkerleri tartyldy.
«Almaty qalasynda mektepteriniń 68 paıyzynda aǵymdaǵy jóndeý jumystary aıaqtalǵan. Jańa oqý jylynyń bastalýyna daıyn. Qalǵan mektepterde aǵymdaǵy jyldyń 25 tamyzyna deıin bitetini kútilýde, alaıda konkýrstyq prosedýranyń keshigip ótkizilýine baılanysty keıbir mektepterde aǵymdaǵy jóndeý jumystary keshigip bastalǵan», - dep habarlady G.Ermekbaeva.
Spıkerdiń sózinshe, josparǵa sáıkes tómendegi bilim berý mekemelerine kúrdeli jóndeý jumystary júrgizilýi aıaqtalyp, bıylǵy oqý jylyna oqýshylardy qabyldaýǵa daıyndyq júrgizilýde:
№80 jalpy bilim beretin mektep,
B.Momyshuly atyndaǵy №131 Gımnazıa,
№48 mektep-gımnazıa,
№15 mektep-gımnazıa,
№141 jalpy bilim beretin mektep,
Bilim ınovasıa lıseıi.
Oryn tapshylyǵyn azaıtý maqsatynda №48 mektep-gımnazıada jáne №148, №112, №9 mektep-ınternatynda 920 orynǵa arnalǵan qosymsha jańa ǵımarattar salynyp, iske qosyldy.
Sonymen qatar, áli de kúrdeli jóndeý jumystary josparǵa sáıkes júrgizilip jatqan obektiler bar, ol №127 jáne №70 jalpy bilim beretin mektepter, jumystardy bıylǵy jeltoqsan aıynda aıaqtaý josparlanǵan.
Apatty jaǵdaıda dep tanylǵan №59 mektep-gımnazıasynyń bir oqý ǵımaraty, sport zal jáne asqana ǵımaraty súrilip, ornyna 300 orynǵa arnalǵan jańa ǵımarat jáne eski ǵımaratqa qaıta jóndeý jumystaryn júrgizýde. Sonymen qatar aǵymdaǵy jyldyń shilde aıynan bastap №10 mektep-ınternatqa da kúrdeli jóndeý jumystary bastaldy.
G.Ermekbaevanyń aıtýynsha, osy atalǵan bilim berý uıymdarynyń oqýshylaryna jaqyn mańaıda ornalasqan mektepterde jóndeý jumystary aıaqtalǵanǵa deıin bilim alýǵa jaǵdaı jasaldy. Oqýshylardyń sapaly bilim alýyna eshqandaı kedergi keltirilmeıdi.
«Osyǵan baılanysty, №97 jáne №154 jalpy bilim beretin mektep ǵımarattaryna kúrdeli jóndeý jumystaryn júrgizilýine jaramsyz bolǵandyqtan, súrilip, ornyna «Jaıly mektep» jobasynyń negizinde jańa ǵımarat salý jumystary josparlandy. Sondaı-aq, monıtorıń qorytyndysy boıynsha kúrdeli jóndeý jumystaryn júrgizý qajet dep tanylǵan bilim uıymdarynyń tizimi jasaldy», - dep aqparattandyrdy spıker.
Monıtorıń barysynda anyqtalǵandaı, 164 bilim berý uıymy jańa modıfıkasıalanǵan fızıka kabınetimen, 158 bilim berý uıymy jańa modıfıkasıalanǵan hımıa kabınetimen, 159 bilim berý uıymy jańa modıfıkasıalanǵan bıologıa kabınettermen jabdyqtalǵan jáne 79 bilim berý uıymy zamanaýı robototehnıka kabınetterimen jabdyqtalǵan. Sonymen birge, 56 bilim berý uıymynda jańa modıfıkasıalanǵan kabınet alýǵa konkýrstyq rásimder júrip jatqandyǵy anyqtaldy.
Qaýipsizdikke keletin bolsaq, barlyq qalalyq bilim berý uıymdary beınebaqylaý kameralarymen jabdyqtalǵan, kameralar men dabyl túımeleri jergilikti polısıa bólimderine qosylǵan. Sonymen qatar, 120 bilim berý uıymdarynda týrnıketter ornatyldy, 94 bilim berý uıymdarynda konkýrstyq rásimder ótkizilýde, sondaı-aq keıbir uıymdarda sport ınventarlaryn jańartý jáne tolyqtyrý qajet ekeni anyqtaldy.