1 shildede ótkizilgen Almatydaǵy jańartylǵan HQKO-nyń ashylý saltanatyna QR Sıfrlyq damý mınıstri Baǵdat Mýsın, Almaty qalasynyń ákimi Erbolat Dosaev jáne Memlekettik korporasıanyń Basqarma Tóraǵasy Súıenish Ábdildın qatysty. Almatydaǵy jańartylǵan HQKO Medeý aýdany,Markov k-si, 44 mekenjaıynda ornalasqan, dep habarlaıdy almaty-akshamy.kz
«Jyl saıyn biz Halyqqa qyzmet kórsetý ortalyqtaryn jańartý maqsatynda kóptegen zamanaýı jobalardy engizip, qalyptasqan eski modelden arylýdamyz. Biz Prezıdenttiń qaýlysy boıynsha 2024 jyldyń sońyna deıin Memlekettik korporasıanyń 115 front-ofısin jańartýdy josparlap otyrmyz. Bizdiń basty mindetimiz - azamattarǵa memlekettik qyzmet kórsetý sapasyn jaqsartý. Almatydaǵy jańartylǵan HQKO-da qyzmet alýshylar men qyzmetkerlerge qolaıly bolý úshin barlyq jaǵdaı jasalǵan», - dep atap ótti, Sıfrlyq damý mınıstri Baǵdat Mýsın.
Halyqqa qyzmet kórsetetin sıfrlyq keńseleri men qarapaıym HQKO arasyndaǵy basty aıyrmashylyq - ol jańa jabdyqtar men memlekettik qyzmet kórsetý salasynda zamanaýı tásilderdi qoldaný. Jańartylǵan HQKO-da jóńdeý jumystary júrgizilip, jıhaz jáne keńse tehnıkasy aýystyryldy. Bıznes-prosesterdi jaqsartý jáne qyzmet kórsetý ýaqytyn qysqartý maqsatynda mınýtyna 30 betke deıin basyp shyǵarýǵa múmkindik beretin jańa kópfýnksıonaldy qurylǵylar ornatyldy.
«Biz úshin árbir klıenttiń qolaıly jaǵdaıda qyzmet alýy mańyzdy. Astanada Kereı Jánibek handar k-si, 4 mekenjaıy boıynsha ornalasqan Sıfrlyq keńseni ashý barysynda kóptegen ádisterdi qoldanyp, oń tájirıbıege ıe boldyq. Endi ońtústik astanada taǵy bir HQKO jańartyldy. Ádettegi kórsetiletin qyzmetterden basqa munda Memlekettik korporasıanyń ınovasıalyq jobalary usynylǵan. Olardyń biri - táýlik boıy jumys isteıtin 33 uıashyqty postamat. Bul tehnologıanyń arqasynda azamattar daıyn qujattardy ózderine yńǵaıly ýaqytta ala alady. Sondaı-aq, biz QR İİM-men birlesip Almaty qalasynyń HQKO-synda tólqujat pen jeke kýálikke ótinish berýge bolatyn qujattaý termınalyn iske qostyq», - dedi, Memlekettik korporasıanyń Basqarma Tóraǵasy Súıenish Ábdildın.
Aıta keteıik, jańartylǵan HQKO-da azamattardyń qolaılyǵy úshin barlyq jaǵdaı oılastyrylǵan. HQKO arnaıy birneshe sektorlarǵa bólingen. Máselen, baılanys aımaǵynda klıentter qyzmetterdi óz betinshe ala alady. Sonymen qatar, bul aımaqta HQKO qyzmetkerleri azamattarǵa smartfondar arqyly qyzmet alý daǵdylaryn úıretedi. Jyldamdyq aımaǵynda azamattar qyzmetterdi 10 mınýt ishinde ala alady. Sondaı-aq, áleýmettik qyzmetter kórsetý, qujattardy alýǵa ótinish qabyldaý jáne daıyn qujattardy berý sektory bar. Kishkentaı kelýshiler úshin oıyn zaly, erekshe qajettilikteri bar azamattarǵa pandýs jáne qyzmet kórsetý úshin jeke sektor qarastyrylǵan.
Búgingi tańda Almatyda 13 HQKO men mamandandyrylǵan HQKO jumys isteıdi. Jyl basynan beri qala turǵyndaryna bir jarym mıllıonǵa jýyq qyzmet kórsetildi. Jańartylǵan HQKO-ǵa kúnine 3 myńǵa jýyq qyzmet alýshy keledi dep kútilýde.