ÁMAT baǵasyn turaqtandyrý úshin qabyldanyp jatqan sharalar basqarmanyń erekshe baqylaýynda tur.
Almaty qalasynyń Kásipkerlik jáne ınvestısıalar basqarmasynyń basshysy E.Orazalınniń aıtýynsha, qalanyń azyq-túlik qaýipsizdigin qamtamasyz etýge jáne áleýmettik mańyzy bar taýarlardyń baǵasyn ustap turýǵa bar kúsh jumsalýda.
Ol úshin qazirgi ýaqytta qalada óndirýshilerde daıyn ónim men shıkizattyń jetkilikti kólemi bar, dep habarlaıdy Almaty-akshamy.kz
Bul qorlar kún saıyn el óńirlerinen fermerler men taýar óndirýshiler ákelip tolyqtyrylýda, sondyqtan áleýmettik mańyzy bar azyq-túlik taýarlarynyń tapshylyǵy boljanbaıdy.
"Ekinshiden, iri jetkizýshilerge, óndirýshilerge jáne saýda jelilerine jeńildetilgen nesıe berý tetigi engizildi, bul deldaldar tizbegin aınalyp ótip, sórelerdegi satý baǵalaryn turaqtandyrýǵa múmkindik beredi.
Túrkistan oblysynyń óndirýshilerimen erte pisetin qyryqqabatty jetkizý boıynsha ýaǵdalastyqqa qol jetkizildi, birinshi partıasy qazirdiń ózinde qala sórelerine kelip tústi. Mamyr aıynan bastap tamyz aıynyń sońyna deıin 7 myń tonnadan astam kartop, pıaz jáne sábiz jetkiziledi. Shilde aıynan bastap Almaty oblysynan 3,5 myń tonna kókónis (kartop, sábiz, pıaz, qyryqqabat) jetkizý josparlanýda", - deıdi Almaty qalasynyń Kásipkerlik jáne ınvestısıalar basqarmasynyń basshysy E.Orazalın.
5 myń tonna kartop jáne 2 myń tonna sábiz otyrǵyzý úshin Pavlodar oblysynyń taýar óndirýshilerine 300 mln teńge bólý josparlanýda.
Nan baǵasyn ustap turý maqsatynda «Azyq-túlik kelisim shart korporasıasy» UQ» AQ qorynan qalanyń un tartý kásiporyndaryna sýbsıdıalanǵan astyqty jetkizý jalǵasýda. Áleýmettik nannyń satý baǵasyn belgileý úshin «Almatydán» JSHS-ne 150 mln teńge mólsherinde aınalym zaemyn bólý josparlanýda.