82 myń almatylyq Almaty Clean & Green ekoaksıasyna qatysty
Almatyda 22 sáýirde alǵash ret qoǵamdyq uıymdardyń bastamasymen Almaty Clean & Green keń aýqymdy ekologıalyq aksıasy ótti. İs-sharany Almaty ákimdigi qoldady.
Qala ákimi Erbolat Dosaev eki jerdegi – Baým toǵaıy men Medeý aýdanyndaǵy ekoaksıaǵa qatysty. Aıtýynsha, qorshaǵan ortany qorǵaý, tabıǵatty aıalaýǵa baǵyttalǵan mundaı aksıalar megapolıste jaqsy dástúrge aınalýǵa tıis.
Aksıaǵa 82 myńnan astam adam qatysyp, 5 myń kóshet egilip, 15 myń tekshe metrden astam qoqys jınaldy.
Ekologıalyq aksıany ambassadorlar, tanymal ártister biraýyzdan qoldady.
Igi bastamaǵa aýdandyq ákimdikter de atsalysyp, ózderiniń aýmaǵynda komýnaldyq qyzmetpen birlesip, jergilikti jerde senbilik ótkizdi. Aksıa barysynda qalanyń barlyq aýdanynda 26 aýmaq tazartyldy.