Almatydaǵy «Demeý» áleýmettik qyzmet kórsetý ortalyǵynyń qyzmetkerleri sottaldy, dep habarlaıdy Almaty-akshamy.kz QR Qarjylyq monıtorıń agenttiginiń baspasóz qyzmetine silteme jasap.
Baspasóz qyzmetiniń málimetterine qaraǵanda, medısınalyq-áleýmettik mekemeler men balalar úıindegi azamattardyń quqyqtaryn qorǵaý Qarjy monıtorıńi agenttiginiń jiti nazarynda.
Almaty qalasy boıynsha Qarjy monıtorıńi agenttiginiń aýmaqtyq departamenti «QAMQOR» jedel aldyn alý sharasy aıasynda, Almaty qalasy bilim basqarmasynyń «Demeý» áleýmettik qyzmetter ortalyǵy» KMM 18 jastan asqan psıhonevrologıalyq aýrýlary bar adamdarǵa arnalǵan medısınalyq-áleýmettik mekemesiniń bas býhgalteri men qyzmetkerine qatysty sotqa deıingi tergeýdi aıaqtady.
Tergeý aıyptalýshylarǵa qatysty 10 mln teńgeden astam shyǵyn somasymen psıhonevrologıalyq aýrýlary bar adamdarǵa jumsalatyn jáne ońaltýǵa bólingen búdjet qarajatyn jymqyrǵany úshin aıyp taǵyldy.
«Sotqa deıingi tergeý barysynda jymqyrylǵan qarajat tolyq kólemde óteldi», -delingen habarlamada.