Aqpannyń úshinshi beısenbisinde atap ótiletin Búkilálemdik aqparatty basqarý kúni taǵy bir ataýly kúnmen tyǵyz baılanysty. Ol 1992 jyly Aqparattandyrý halyqaralyq forýmynyń sheshimimen Dúnıejúzilik aqparat kúni retinde belgilengen jáne ol 26 qarasha kúni atalady. Aqparatqa qatysty kúntizbede bir-birine uqsas eki kúnniń belgilenýi qalaı degen zańdy suraq týyndaıdy.
Qarashadaǵy mereke aqparattyń qazirgi zamandaǵy mańyzdylyǵyn kórsetýge, biz ómir súrip otyrǵan ǵasyrdyń aqparat ǵasyry ekenin taǵy bir márte eske salý úshin arnalǵan.
"Aqparatqa ıe adam álemdi basqarady" degen uran HH ǵasyrda mańyzdy bola bastasa da, HHİ ǵasyrda da qunyn joımady. Buǵan kóp nárse sebep boldy: aqparatty taratý tehnologıalarynyń damýy jáne ony saqtaý, aqparattyń jyldam taraýy, beriletin aqparattyń sıpaty men kóleminiń keńeıýi jáne t.b.
Aqparatty berýdegi jeńildik, jyldamdyq, aýqymynyń keńeıýi men onymen almasýdyń qoljetimdiligi, aqparatty saqtaý zamanýı qoǵamnyń ajyramas bir bóligine aınaldy.
Alaıda, bizdiń ómirimizdegi kóptegen faktorlar sıaqty aqparattyń jaqsy jaǵymen birge, zıandy tustary da qatar júredi. Aqparat qaınap jatqan ómirde kóptegen kúndelikti máselelerdi sheshýge, tehnogendi nemese tabıǵı apattardyń zardabyn eskertýge, bir nárseden habardar etip, úıretý sıpatyna ıe, baılanys ornatýda da jaqsy kómekshi. Degenmen de, onyń keri jaqtary da bar: sýbektıvti kózqarastardyń sebebinen taratylǵan aqparat jalǵan bolýy da múmkin jáne sonysyna qaraı adamdarda úreı týdyrýy múmkin, jalǵan kózqarastar men oılar qalyptastyrýy yqtımal. Qaı jaǵynan alyp qarasaq ta, bul sebepter aqparatty basqarýmen tikeleı baılanysty,
Mine, osy ataýly kún naqtylaı aıtqanda, aqparatty basqarýǵa arnalǵan. Bul rette aqparatty basqarý uǵymynyń astarynda kóptegen uǵym bar: aqparatty taldaý, ony qorǵaý, ony taratý nemese berý nusqalary, saqtaý.
Bul datany aqparatty qurý, taratý, paıdalaný jáne joıý tıimdiligine jaýapty, ıaǵnı belgili bir salalarda (densaýlyq saqtaý, quqyq tártibi, dıplomatıa, qorǵanys, bilim berý, t.b) qyzmet etetin túrli sala ókilderi atap ótedi. Mundaı salalardyń árqaısysynda aqparatty basqarýdyń ózindik erekshelikteri bar.
Aqparatty basqarý prosesinde, jalpy alǵanda, ártúrli deńgeıdegi aqparattyń úlken kóleminiń berilýi onyń baǵyttalǵan sońǵy paıdalanýshyǵa qalaı jetetini, onyń qalaı qabyldaıtyny mańyzdy. Onyń (qarapaıym azamattyń) ózi - «alýshy» ǵana emes, sonymen qatar belgili bir aqparattyń kózi. Osyǵan baılanysty Dúnıejúzilik aqparatty basqarý kúni árbir adam úshin ózekti. Árqaısymyz ony qalaı durys basqarýdy úırenýimiz kerek: taldaýdy, «súzýdi», saqtaýdy, berýdi jáne eń mańyzdysyn berý kerek jáne muny balalarymyzǵa túsindirip, úıretý kerek.
Materıal Calend.ru saıtynan ázirlendi