Jyl sońyna deıin taǵy 600 jýyq kamera ornatylady.
Almatylyqtardyń qaýipsizdigin qamtamasyz etý maqsatynda jyl sońyna dein qalada qosyma taǵy 600 jýyq beınekamera ortatylady. Bul týraly qala ákimi Erbolat Dosaev Jetisý aýdanynyń turǵyndarymen kezdesý barysynda aıtty, dep habarlaıdy Almaty-akshamy.kz.
«Qoǵamdyq qaýipsizdikti qamtamasyz etý úshin jyl sońyna deıin adamdar kóp jınalatyn oryndarda (bilim berý obektilerinde – 263, aýlalarda – 130, parkter/skverlerde – 152, jol qıylystarynda – 52) 597 beınekamera ornatylady. Qoldanystaǵy 490 kameraǵa eseptelgen 86 «Sergek» aparattyq-baǵdarlamalyq keshenine qosymsha 2023 jyldyń I-shi toqsanynda 399 kameraǵa arnalǵan 85 «Sergek» kesheni ornatylady. Barlyq jumys aıaqtalǵannan keıin Jetisý aýdanynda kameralardyń sanyn 996 birlikke deıin kóbeıtemiz», - dedi Erbolat Dosaev.
Sonymen qatar shahar jetekshisi aýdandaǵy jol ınfraqurylymy týraly aıtty.
«Osy jyldyń basynan bastap jalpy aýdany 28 myń kv. metr bolatyn 124 jol ýchaskesine aǵymdaǵy (shuńqyr) jóndeý júrgizildi, uzyndyǵy 26,3 km 21 kóshe ortasha jóndeýden ótti. Sizderdiń ótinishterińizdiń negizinde Kókjıek shaǵyn aýdanynda trotýarlar men aryqtarmen birge joldarǵa jóndeý júrgizildi. Qarasha aıynyń sońyna deıin 2-shi Goncharnaıa kóshesinde ortasha jóndeý aıaqtalady»,- dedi qala basshysy.
Jol qaýipsizdigin qamtamasyz etý maqsatynda 29 mekenjaıda uzyndyǵy 16,3 km jańa trotýar salyndy, sondaı-aq adamdar júretin ótkelderde 3 svetofor ornatylǵan.
«Turǵyndardyń ótinish-tilekterin eskere otyryp, Jetisý bazarynan Adem saýda úıine deıin uzyndyǵy 28 km quraıtyn №138 jańa marshrýt uıymdastyryldy. №46 marshrýt 1 km-ge uzartyldy (Kemel shaǵyn aýdanynda Esimhan kóshesinen Arlan kóshesine deıin) avtobýstar sany 10-nan 12-ge kóbeıdi. Sonymen qatar 8 marshrýttyń (№40, 41, 70, 135, 52, 56, 69, 80) jyljymaly quramy tolyq jańartyldy», - dedi Erbolat Dosaev.
Turǵyndardyń ótinishi boıynsha qyrkúıek jáne qazan aılarynda Jetisý aýdanynda 30 jańa ostanovka kesheni ornatylǵan.