Almaty prokýratýrasy taratqan málimetke qaraǵanda, «Baspalar úıiniń» 100 paıyz aksıasy sot sheshimimen memleket menshigine qaıtarylǵan, dep habarlaıdy aqshamnews.kz
– Almaly aýdanynyń prokýratýrasy «Baspalar úıi» («Baspa úıi») AQ aksıalarynyń 100 paıyzyn memleket menshigine qaıtarýdy qamtamasyz etti. 2016 jyly buryn QR Mádenıet jáne sport mınıstrligine tıesili quny 2,6 mlrd teńge aksıalardy jeke tulǵa arzandatylǵan baǵamen zańsyz jekeshelendirip alǵan. Memlekettiń múliktik múddelerin qorǵaý maqsatynda prokýratýra mámileni jaramsyz dep taný týraly sotqa talap-aryz berdi. Apelásıalyq satynyń qaýlysymen birinshi satydaǵy sottyń prokýratýranyń talap qoıý talaptaryn qanaǵattandyrý týraly sheshimi ózgerissiz qaldyryldy jáne zańdy kúshine endi, – delingen qalalyq prokýratýra taratqan aqparatta.
Sý teginge satylǵan “Baspalar úıi”
Aýdıtorlyq esep qorytyndysyna sáıkes 2016 jyly «Baspalar úıi» AQ Erbol Nazarov, Maırash Myrzabekova jáne Janar Rahmetova esimdi úsh jeke tulǵanyń ıeligine ótken. Eki jyldan keıin aksıonerlik qoǵam «Sanur Smart Invest» JSHS bolyp qaıta qurylǵan. Onyń 2018 jyldan bergi jalǵyz quryltaıshysy Maırash Myrzabekova.
Ashyq derekkózderdegi aqparatqa qaraǵanda quny 2,6 mıllıard teńge bolatyn «Baspalar úıi» nebári 343 mıllıon teńgege satylǵan. Ol ýaqytta mádenıet jáne sport mınıstriligin Arystanbek Muhamedıuly basqarǵan.