Almaty qalasy boıynsha Qylmystyq-atqarý júıesi departamentine qarasty №11 mekemeniń rejım jáne kúzet bólimi bastyǵynyń orynbasary ádilet maıory Maqsat Muratbaev pen tárbıe bóliminiń qyzmetkeri Erkegúl Jeńisqan Almaty tehnologıa jáne florıstıka kolejiniń stýdentterine dáris ótti. 
"Jasóspirimderdiń qylmystyq jaýapkershiligi" degen taqyryp tóńireginde ótken sabaqtyń maqsaty – jetkinshekterdiń quqyqtyq saýatyn arttyrý, Memleket basshysynyń elimizde "Zań jáne tártip" qaǵıdatyn birjola ornyqtyrý týraly tapsyrmasyna ún qosý. "Jastarǵa zań men tártip týraly udaıy áńgimelep otyrýdyń artyqtyǵy joq. Óıtkeni quqyqtyq tárbıe olardyń bolashaqta zań buzbaı, qylmysqa urynbaı, jaqsy ómir súrýine, qoǵamnan óz ornyn tabýyna yqpal eteri sózsiz. Biz búgin stýdentterge barshamyz zań men tártipti saqtaı bilsek, elimizdiń ekonomıkalyq-áleýmettik damýyna da úles qosa alatynymyz jaıly da aıttyq", – deıdi ádilet maıory Maqsat Mırahýnuly.
Balalar kolonıasynyń ókilderi stýdentterdiń zań, quqyq, azamattyq jaýapkershilik turǵysynda qoıylǵan saýaldaryna da jaýap berdi.