Qaıta jańartýdan ótken murajaı 7 bólimnen turady.
Almatydaǵy «Áýezov úıi» qaıta jańartýdan keıin búgin saltanatty túrde ashyldy. Murajaıda zańǵar jazýshynyń ómiri men shyǵarmashylyǵynan syr sherter dúnıeler zaman talabyna saı jabdyqtalǵan. Mýzeıde ǵylymı qordan bólek, Áýezovtyń kıimderi, tutynǵan zatynan turatyn 200-ge jýyq jádiger qoıylǵan, -dep habarlaıdy Almaty-akshamy.kz. Almaty.tv-ge silteme jasap.
Qaıta jańartýdan ótken murajaı 7 bólimnen turady. Ár bólimde Muhtar Áýezovtyń balalyq shaǵynan bastap, ómiriniń san-qıly kezeńin qamtıtyn ekspozısıalar qoıylǵan. Qaıta óńdeýden ótken ústeli, oryndyǵy men qalamdary jáne ádebı shyǵarmalarynyń qoljazba nusqasy kópshilikke qaıta usynyldy.
«Bizde Abaı jýrnalynyń elektrondy túrde skanerlergen nusqasy bar. Kelgen qonaǵymyz ony qazaq, orys, aǵylshyn tilinde kóre alady. Bul – 1918 jyly Júsipbek Aımaýytovpen birge shyǵarǵan jýrnaly. Sol jóninde naqtyraq derek alamyz dese, barlyq qujattar osylaı jyljytyp kórýge bolady», – dedi «Áýezov úıi» mádenı-ǵylymı ortalyǵynyń bas qor saqtaýshysy Saltanat Muqataeva.
Áýezov úıindegi qundy jádigerdiń biri – ústel. Munda Eńlik-Kebek pessasy, qazaqtyń tuńǵysh mýzykalyq komedıasy Aıman-SHolpan, Qalqaman-Mamyr syndy ádebı shyǵarmalar dúnıege kelgen. Sondaı-aq Abaı jolynyń 2 tomyn da osy ústel basynda otyryp jazǵan. Muhat Áýezov ol shyǵarmasy úshin 1949 jyly Memlekettik syılyqty ıelendi.
Saltanatty is-sharaǵa Áýezovtyń balalary men nemereleri, shákirtteri men ádebıet álemin zertteýshi ǵalymdar keldi. Olardyń arasynda ǵumyryn Abaıtaný salasyna arnaǵan, Muhtar Áýezovtyń mektebin kórgen, arnaıy sheberliginen ótken Mekemtas Myrzahmetov te bar.
«Abaıtaný» degen qıyn taqyryp berdi. Óte qıyn. Áýezov sol kezde «shymshyqtan qoryqqan tary ekpeıdi» demekshi qoryqsań alma, qoryqpasań kiris» dedi. «Abaıtaný» tarıhyn 3 jylda jazyp shyqtym. Sol arqyly Muhańmen, Dımekeńmen jaqsy este qalarlyq sátter ótti», – dedi fılologıa ǵylymdarynyń doktory, profesor Mekemtas Myrzahmetov.
Almatydaǵy ekspozısıalyq kórme Muhtar Omarhanulynyń 100 jyldyǵyna oraı 1997 jyly salynǵan bolatyn. Araǵa 25 jyl salyp, murajaı kúrdeli jóndeýden ótti. Mýzeıde Áýezov týraly derekti fılm tamashalaýǵa arnalǵan kıno-zal da bar. Arnaıy kelgen qonaqtar beınetaspadan jazýshynyń daýysyn estip, ósıetin óz aýzynan tyńdaı alady. Uıymdastyrýshylar Áýezov murasyna degen qyzyǵýshylyqty odan ári nyǵaıta túsetinine senimdi.