Almatyda bir kúnde 200-den astam esirtki jarnamasy óshirildi, dep habarlaıdy Aqshamnews.kz tilshisi Polisia.kz-ke silteme jasap.
Almaty qalasynda polısıa, Áýezov aýdanynyń Komúnıtı ortalyǵy jáne Jas Volunteers eriktileri birlesip, esirtki saýdasyn nasıhattaıtyn ınternet-resýrstarǵa aparatyn tyıym salynǵan jazbalardy joıýǵa baǵyttalǵan arnaıy aksıa ótkizdi.
Shara barysynda bir táýliktiń ishinde 200-den astam jarnama óshirilgen. Aksıa Profılaktıka jyly aıasynda uıymdastyryldy.
Almaty PD Esirtki qylmysyna qarsy is-qımyl basqarmasynyń bastyǵy Murat Jumabaev jastarǵa baǵyttalǵan mundaı qaýipke jol bermeý mańyzdy ekenin atap ótti.
«Qalany esirtki jarnamasynan júıeli túrde tazartyp kelemiz. Ár jazba – jastardy qylmystyq sqemaǵa tartyp áketýi múmkin. Eriktilerge úlken alǵys aıtamyz. Kúshimiz – birlikte», – dedi ol.
Polısıa qala turǵyndaryn kóshede, ǵımarat qabyrǵalarynda nemese aýlalarda esirtkini nasıhattaıtyn belgiler men siltemelerdi baıqasa, dereý quqyq qorǵaý organdaryna habarlaýǵa shaqyrady. Bul tyıym salynǵan kontentti jedel joıýǵa jáne onyń taralýynyń aldyn alýǵa múmkindik beredi.