Ekinshi dúnıejúzilik soǵystyń aıaqtalýynyń 80 jyldyǵyna oraı Almatydaǵy Armıa úıiniń mańdaıshasyna barelef ornatyldy.
Jobany Armıa úıi murajaıynyń mamandary daıyndaǵan, dep habarlaıdy aqshamnews.kz 24.kz-ke silteme jasap.
Shyǵarmashylyq kompozısıa 28 panfılovshylar saıabaǵyndaǵy Dańq eskertkishine uqsaıdy. Onda «Ant», «Dańq kerneıleri» jáne «Erlik» sózderi jazylǵan. «Erlik» eskertkishi 316-shy atqyshtar dıvızıasy 1075-shi polkiniń jaýyngerlerine arnalǵan. Barelef – jańa tehnologıalardy qoldana otyryp, jeńil materıaldardan jasalǵan.
Alýa Baıqadamov, Keńes Odaǵynyń batyry, general-maıor Ivan Panfılovtyń nemeresi:
- Panfılovshylar saıabaǵy almatylyqtardyń jyl saıyn jeńis kúninde máńgilik alaýǵa gúl qoıatyn turaqty saıabaǵy. Sondyqtan biz bul kúnge qyzý daıyndyq ústindemiz. Ashyq aspan astyndaǵy jańa murajaıda áskerı tehnıkalar qoıylǵan. Murajaıdyń salynýy Armıa úıine erekshe reńk berdi. Al oǵan qarama-qarsa baǵytta qala turǵyndarynyń jaıly demalýyna arnalǵan skver ornalasqan. Sondyqtan mýzeıge kelińizder.