Urylar túnde úıdiń esigin ashyp, aqsha men gaz tapanshasyn alyp ketken
Almaty qalasynyń polısıasy úıge urlyqqa túsken kúdiktilerdi ustady. Olardyń arasynda jábirlenýshiniń jaqyn týysy da bolǵan degen derek bar. Ol ázirshe kúdikke ilinip otyr, dep habarlaıdy almaty-akshamy.kz.
Polisia.kz-tiń habarlaýynsha, urlyq Dostyq shaǵyn aýdanynda bolǵan. Urylar túnde úıdiń esigin ashyp, aqsha men gaz tapanshasyn alyp ketken.
Bul qylmysty ashý maqsatynda jedel-tergeý toby quryldy. Tórt kúdikti ustalyp, qamaýǵa alyndy. Olardyń arasynda, úı ıeleriniń jaqyn týysy da bar. Aldyn ala málimet boıynsha, kúdiktilerdiń ekeýi buryn múliktik qylmystar jasaǵany úshin sotty bolǵan. Ustalǵandardyń bári basqa da qylmystarǵa qatysy bolýy múmkin. Sol úshin de tergelip jatyr, – dedi Áýezov aýdandyq polısıa basqarmasynyń bastyǵy Ulan Ábilqaıyr.
Polısıa basshysynyń aıtýynsha, Qazaqstan Respýblıkasy Qylmystyq kodeksiniń 201-babyna sáıkes ózge aqparat tergeý múddesine oraı jarıa etilmeıdi. Konstıtýsıanyń 77-baby 3-bólimi 1-tarmaǵy QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.