Almatyda 2025 jyly 27-28 qyrkúıekte Túrkistan oblysy taýar óndirýshileri qatysatyn keńeıtilgen aýyl sharýashylyǵy jármeńkesi ótip jatyr.
İs-shara «Bereke Fest» respýblıkalyq bastamasy aıasynda uıymdastyryldy.
«Bereke Fest» birinshi qajettiliktegi azyq-túlik baǵasyn turaqtandyrýǵa, otandyq óndirýshilerdi qoldaýǵa jáne qazaqstandyq aýyl sharýashylyǵy ónimderin tutynýdy yntalandyrýǵa baǵyttalǵan.
Jármeńke jobanyń basty is-sharalarynyń birine aınaldy. Almaty turǵyndary men qonaqtary sapaly ári balǵyn ónimderdi óndirýshilerden tikeleı qoljetimdi baǵamen satyp ala alady.
Jármeńkege Túrkistan oblysynyń 16 aýdany men Túrkistan qalasy qatysyp jatyr. Qala turǵyndaryna 50-den astam ónim túri, atap aıtqanda et-sút ónimderi, kókónis-jemis, shujyq ónimderi, un, jarma, ósimdik jáne maldyń maıy jáne basqa da taýarlar usynyldy.
Jalpy ónim kólemi shamamen 500 tonna, onyń ishinde: et ónimderi – 100 tonna, kókónis-jemis ónimderi – 250 tonna, sút ónimderi – 30 tonna, basqa ónimder – 120 tonna.
Jármeńke saǵat 8:00-den 17:00-ge deıin Qazybek bı kóshesinde, Abylaı han dańǵylynan Panfılov kóshesine deıingi aralyqta ótedi.