Almatyda «Jasyl aýla» naýqany bastalady.
Almaty qalasynyń ekologıa jáne qorshaǵan orta basqarmasy turǵyndarǵa tegin kóshet taratýǵa arnalǵan «Jasyl aýla» naýqanynyń bastalǵandyǵyn habarlaıdy.
Kóp qabatty úıler aýlasy men qoǵamdyq keńistikterdi kógaldandyrýǵa nıetti árbir almatylyq shaǵan, úıeńki, shegirshin, terek, qaraǵan men qaıyńnyń kóshetterin tegin ala alady, dep habarlaıdy Almaty-akshamy.
Naýqan qatysýshylary otyrǵyzylǵan aǵashtardy aldaǵy úsh jyl boıy kútip-baptaý týraly kepildi mindettemege qol qoıatyndyǵyn eskergen jón. Qatysý úshin zhasyl.aula22@gmail.com elektrondy poshtasyna kelesi málimetterdi joldaý qajet:
- Qatysýshynyń aty-jóni men telefon nómiri, aǵash otyrǵyzylatyn orynnyń naqty mekenjaıy;
- Aǵash otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón);
- Suralyp otyrǵan kóshettiń túri men sany.
Ótinimder 2022 jylǵy 17–25 qazan aralyǵynda qabyldanady. Kóshetterdi taratý kelesi mekenjaı boıynsha júzege asyrylady: Almaty q., Alataý aýdany, Uljan-2 shaǵyn aýdany, Bertaıqyzy k-si, 24 («STAMP SERVICE» JSHS bazasy).
Ótinimderdi qaraý merzimi 2022 jylǵy 17–26 qazan aralyǵynda.
Aǵash otyrǵyzý jumystaryn 2022 jyldyń 27 qazannan bastap júrgizip, fotoesep joldaý qajet.
Kórsetilgen ýaqyttan keıin joldanǵan ótinishter qarastyrylmaıdy. Qosymsha aqparat alý úshin jasyl qordy basqarý jáne monıtorıń bólimine kelesi nómir boıynsha habarlasýǵa bolady: +7777 068 56 38.