Almaty qalasynyń Antıterrorıstik komısıasy uıymdastyrýymen din salasyndaǵy aqparattyq-túsindirý toptarynyń múshelerine arnalǵan oqytý semınary ótti.
Maqsaty – terorızmniń aldyn alý isinde eńbek etip júrgen memlekettik organ qyzmetkerleri, dintanýshylar, teologtar jáne tarıhshylardyń kásibı biliktiligin arttyrý.
Semınar barysynda aqparattyq-túsindirý jumysyndaǵy negizgi máseleler, jeke tulǵaǵa psıhologıalyq áser etý formalary men ádisteri, dinı ekstremızm men terorızmge aqparattyq qarsy is-qımyl, sóıleý mádenıeti, destrýktıvti dinı aǵym ókilderimen profılaktıkalyq jumystyń psıhologıalyq jáne teologıalyq qyrlary sıaqty taqyryptar talqylandy.
Praktıkalyq sabaqtarda qatysýshylar sheshendik óner men sendirý ádisterin, aýdıtorıamen tıimdi baılanys ornatý joldaryn, akterlik sheberlikti qoldaný tásilderin meńgerdi. Sonymen birge, zamanaýı komýnıkasıa trendteri, prezentasıa ázirleý, sóz qurylymyn josparlaý jáne keri baılanys uıymdastyrý daǵdylary da kórsetildi. Jalpy, semınar aqparat almasýǵa, tájirıbe bólisýge jáne terorızm profılaktıkasymen aınalysatyn mamandardyń kásibı deńgeıin kóterýge yqpal etti.