Jazyqsyz segiz adam bostandyqqa shyqty
Almatydaǵy SI-18 tergeý ızolátorynan taǵy 8 adam bosatyldy. Olardyń tizimin «Amanat» qoǵamdyq komısıasynyń múshesi Ýaıs Ersaıynuly Facebook-te jarıa etti, dep habarlaıdy Almaty-akshamy.kz QazAqparatqa silteme jasap.
«Búgin Almatydaǵy «SI-18» tergeý ızolátorynan taǵy 8 adam bosatyldy.
Olar: 1. Kerimbek Ǵ. 2. Erzat Ó. 3. Rysbaev S. 4. Tankısh E. 5. Jaqsylyq Sh. 6. Ahmetov A. 7. Qarsybaev J. 8. Tasjúrekov B. Osymen qazirge deıin barlyǵy 50 adam bizdiń «Amanat» komısıasynyń aralasýymen bostandyqqa jiberildi. Taǵy bir adam — Tımýr Kım keshke deıin bosatylatyn boldy», - dep jazdy Ýaıs Ersaıynuly.
Onyń aıtýynsha, taǵy 6 adamnyń qujattaryn shyǵarýǵa daıyndap jatyr. Buǵan deıin «Amanat» komısıasynyń aralasýymen Almatyda jazyqsyz qamalǵan 36 adam, onyń ishinde eki bala bostandyqqa shyqqanyn jazǵanbyz.