Almaty qalasy ákiminiń orynbasary Asqar Ámrın №9 mektep-ınternattyń janynda salynyp jatqan qosalqy qurylystyń barysymen tanysty.
Osy nysan boıynsha qurylys-montaj jumystary 2021 jyldyń shildesinde bastalyp, ótken jyldyń qarasha aıynda aıaqtalýy tıis bolatyn. «Barat & Co» JSHS merdigerlik uıymyna qatysty jumys óndirisiniń buzylýy jáne sapasyz materıaldardy qoldaný faktileri boıynsha 2022 jylǵy jeltoqsanda Almaty ákimdigi sotqa talap aryz berdi, dep habarlaıdy Almaty-akshamy.kz.
Almaty qalasynyń mamandandyrylǵan aýdanaralyq ekonomıkalyq sotynyń 2023 jylǵy 26 maýsymdaǵy № 7527-23-00-2/3201 sheshimimen «Barat & Co» JSHS merdigerine 6,5 mln teńge aıyppul salyndy.
Merdiger uıymdarǵa 2023-2024 jańa oqý jylyna barlyq jumystardy aıaqtaý tapsyryldy.
Búginde nysan 99%-ǵa daıyn. Injenerlik jelilerdi qurylys alańynyń astynan, syrtqy qabyrǵalar men ishki bólimderden kóshirý boıynsha jumystar aıaqtaldy, árleý jumystary, tereze bloktary, shatyr, syrtqy qasbet jáne aýmaqtyń perımetri boıynsha qorshaýlar ornatyldy, sýmen jabdyqtaý, sý burý jáne jylýmen jabdyqtaýdyń ınjenerlik jelileri qosyldy.