Almaty ákimdigi №48 mektep-lıseı ǵımaratyn rekonstrýksıalaý merzimin buzǵany úshin merdigerlik uıymdy sotqa berdi
Almaty qalasy ákiminiń orynbasary Asqar Ámrın búdjet qarjysyna salynatyn problemalyq qurylys jáne rekonstrýksıalaý nysandaryn aralap kórip, 2021 jyldyń shildesinde bastalǵan №48 mektep-lıseı ǵımaratyn qaıta jańartý boıynsha júrgizilip jatqan jumystyń barysymen tanysty, dep habarlaıdy Almaty-akshamy.kz.
Qurylystyń normatıvtik merzimi – 10 aı. Qurylys materıaldarynyń qymbattaýyna baılanysty 2022 jyly jobalaý-smetalyq qujattamaǵa túzetý engizildi. Jumystyń aıaqtalý merzimi 2023 jyldyń 31 qańtaryna deıin uzartyldy. «Rıgolıt» JSHS merdigerlik uıymyna qatysty mindettemelerdiń sapasyz oryndalýyna baılanysty sotqa talap aryz berildi. Qazir sot prosesi júrip jatyr.
Búginde nysan 99%-ǵa daıyn. 1 jáne 2 blok boıynsha ǵımarattardy seısmıkalyq kúsheıtý jumystary júrgizildi, ishki ınjenerlik jeliler aýystyryldy, ishki jáne syrtqy árleý jumystary aıaqtaldy. 3, 4, 5 blok boıynsha barlyq monolıtti jumys aıaqtaldy, ınjenerlik jeliler júrgizilip, qosyldy, ǵımarattyń shatyry men tereze bloktary ornatyldy, ishki árleý jumystary júrgizildi. 3, 4, 5 blokty syrtqy árleý, aýmaqty abattandyrý jáne jabdyqty retteý jumystary qolǵa alyndy.
Oqý jylynyń basynda nysandy paıdalanýǵa berý kózdelip otyr.