Almaty qalasy ákiminiń orynbasary Asqar Ámrın búdjet qarjysy esebinen iske asyrylatyn problemalyq qurylys jáne rekonstrýksıalaý nysandaryn aralap kórdi.
Ol 2021 jyldyń 21 shildesinde bastalǵan SHJQ «Balalar shuǵyl medısınalyq kómek ortalyǵy» MKK úshin operasıalyq blogy bar qabyldaý bólimshesiniń korpýsyn salý boıynsha júrgizilip jatqan jumystyń barysymen tanysty, dep habarlaıdy Almaty-akshamy.kz.
Merdiger uıym «Aq Ordasy korporasıasy» JSHS bolyp tabylady. Bastapqyda aıaqtalý merzimi 2022 jyldyń 30 qyrkúıeginde dep belgilengen.
Merzimniń uzartylýyna qaramastan merdiger osy ýaqytqa deıin jumysty aıaqtaǵan joq. Osyǵan baılanysty ákimdik merdiger uıymǵa qatysty sotqa talap aryz berdi. Almaty qalasynyń mamandandyrylǵan aýdanaralyq ekonomıkalyq sotynyń 2023 jylǵy 3 shildedegi sheshimimen «Aq Ordasy korporasıasy» JSHS memlekettik satyp alýdyń jaýapsyz qatysýshysy bolyp tanyldy, memleket paıdasyna 12,3 mln teńge somasynda turaqsyzdyq tólemi óndirildi.
Buǵan qosa, merdigerlik uıymǵa qatysty «Ákimshilik quqyq buzýshylyq týraly» QR Kodeksiniń 312-babynyń 2-tarmaǵyna sáıkes qurylys-montajdaý jumystaryna lısenzıanyń bir kishi túrinen aıyra otyryp, aıyppul salý túrinde sharalar qabyldandy.
Qazirgi tańda ǵımarattyń qańqasy, shatyry, syrtqy qabyrǵalar men bólimderdi qalaý, tereze bloktary men birinshi árleý jumystary bitti. Injenerlik komýnıkasıalar, lıftilerdi ornatý, qasbet, árleý, abattandyrý boıynsha jumystar aıaqtalyp keledi. Nysan 85% daıyn. Qajetti jabdyqty satyp alý – 96%. Qurylys-montajdaý jumystary aıaqtalǵan kezde qazirgi ýaqytta satyp alynǵan jáne qoımalarda ornalasqan jabdyq ornatylady.
Qurylys salýshyǵa osy nysan boıynsha jumystardy 2023 jyldyń qyrkúıek aıynyń sońyna deıin aıaqtaý júkteldi.