Táýelsizdiktiń 30 jyldyq mereıtoıyna qarsy qarjy ınstıtýty barlyq óńirde óz aleıasyn otyrǵyzýdy qolǵa almaq.
El Táýelsizdiginiń 30 jyldyǵyna oraı Almatyda taǵy bir aleıa paıda boldy. Elimizdegi bankterdiń biriniń qurylǵanyna 180 jyl tolýyna oraı qarjy uıymy qyzmetkerleri men qoǵamdyq qor eriktileri Alataý aýdanynda aǵash otyrǵyzdy, dep habarlaıdy Almaty-akshamy.kz
Almaty.tv saıty habarlaǵandaı, mereıtoıǵa qarsy qarjy ınstıtýty barlyq óńirde óziniń aleıasyn otyrǵyzýdy qolǵa almaq.
«2020 jyly "Jumyspen qamtý" jol kartasy aıasynda osy aleıa ashylǵan bolatyn. Jasyl ekonomıka basqarmasynyń «Jasyl Almaty» baǵdarlamasy aıasynda 6 myń qaraǵaı otyrǵyzyldy. Sondaı-aq tabıǵatty paıdalaný «EKO Almaty aktıvıseri» aıasynda árqashan eriktilerdiń jáne jastardyń kómegimen aǵashtar otyrǵyzylyp turmaq», – dedi Alataý aýdanynyń abattandyrý bóliminiń basshysy Ediljan Narmatov.
«Aǵash otyrǵyzý naýqanyn bastadyq. 30 qaraǵaı aǵashyn otyrǵyzdyq. Bastama áli de jalǵasyn tabady. Jyl sońyna deıin 1500 qaraǵaı aǵashyn otyrǵyzýdy kózdep otyrmyz. Bul úlken is dep oılaımyn. Ákimdiktiń qoldaýymen "Jasyl Almaty" statýsyn jańǵyrtýǵa at salysyp jatyrmyz», – dedi «Kaz Eco Patrol» respýblıkalyq ekologıalyq qozǵalysynyń jetekshisi Tımýr Eleýsizov.