Májilistegi «Aq jol» fraksıasynyń depýtattary Qazaqstanǵa karantın týraly jańa zań qajet sanaıdy.
Depýtat Aıgúl Jumabaeva elde shekteý sharalaryn qabyldaýǵa quqyly jáne ózine jaýapkershilik alatyn zańmen belgilengen organ áli kúnge joq ekenin atap ótti, dep habarlaıdy Almaty-akshamy.kz
«Byltyr "Tótenshe jaǵdaı týraly" zań boıynsha elde tótenshe jaǵdaı rejımi jarıalandy. TJ merzimi 30 kúnnen aspaıtynyna baılanysty, osy merzim aıaqtalysymen Qazaqstan tótenshe jaǵdaı rejıminen shyǵyp, quqyqtyq týrbýlenttik kúıine tústi. Karantındik sharalardyń aıqyn erejeleri joq. Sonyń kesirinen pandemıa kezinde bıznes tyıymdardyń ózinen emes, belgisizdikten kóbirek zardap shegip otyr», - dedi depýtat.
Osyǵan baılanysty «Aq jol» fraksıasy karantındik sharalar týraly zań qabyldaýdy usyndy. Onda karantındi engizý tártibi, merzimi men sharttary kórsetilip, shekteý engizýge quzyreti bar organ, onyń ókilettigi men qabyldanǵan sheshimder úshin jaýapkershiligi aıqyndalýǵa, sondaı-aq karantın jaǵdaıynda kásipkerdi qorǵaý sharalary qarastyrylýǵa tıis, dep esepteıdi depýtattar.