Almatyda syrtqy jaryqtandyrý júıesi jańǵyrtylyp jatyr

  • 14:30, 20 tamyz 2025
Almatyda syrtqy jaryqtandyrý júıesi jańǵyrtylyp jatyr Óńirlik komýnıkasıa qyzmeti

Almaty syrtqy jaryqtandyrý júıesin jańǵyrtyp jatyr.  Bıylǵy 7 aıdyń ishinde qalanyń 8 aýdanynda 21 600 jaryq núktesi qalpyna keltirilip, 230 shaqyrym kabel aýysyp, jańadan 1 225 syrtqy jaryq baǵany ornatyldy. Úzdiksiz jumys istegendikten azamattardyń jaryqtandyrýǵa baılanysty ótinimi byltyrǵymen salystyrǵanda 2,5 esege qysqaryp, bıyl 8 445-aq aryz túsken.

Óńirlik komýnıkasıalar qyzmeti uıymdastyrǵan pres týr barysynda jyl sońyna deıin qala kósheleriniń jaryqtandyrý deńgeıin 100 %-ǵa jetkizý josparlanyp jatqany belgili boldy.

Qalanyń negizgi kóshelerinde de osyndaı jumys qolǵa alyndy. Mysaly, Seıfýllın dańǵyly eki ese jaryq bola tústi. Satbaev kóshesinen Almaty 1 vokzalyna deıingi aralyqtaǵy baǵandarǵa eki sham bekitilgen ınovasıalyq konsoldar ornatylyp jatyr, buryn ár baǵanǵa bir-bir shamnan ǵana ilinetin. Jumys Bostandyq, Almaly, Jetisý men Túrksib aýdanynda da jalǵasty. Joldan bólek, jaıaýlar júretin jaǵy da jaryqtandyryldy.  Abaı men Dostyq dańǵylynda, sondaı-aq Naýryzbaı batyr, Satbaev, Brýsılovskıı, Ótegen batyr kóshesinde de osyndaı joba iske asyryldy.

Tımırázev kóshesi de jobadan syrt qalǵan joq. Jeltoksannan Jandosovqa deıingi jerdegi shamdar túgel aýysyp, jaıaý júrginshiler jaǵyndaǵy eski shamdar jańa LED jaryqdıodty shamdarǵa aýystyrylady. Trotýarlarynda ómiri jaryq bolmaǵan jerde jańadan torsher baǵandary paıda bolady.
Seıfýllın – Sholohov qıylysyndaǵy parkte avtopolıv júıesin júrgizetin merdigerdiń kesirinen úzilgen kabel jelisi qalpyna keltirildi. Aleıalarda janǵan shamdar aýystyrylyp, jaryq qalypty rejımde jumys istep tur.

Respýblıka Saraıynyń aldyndaǵy Abaı alańynda shamamen 1 shaqyrym kabel jelisi men eskirgen shamdardy (50 dana) aýystyra bastady.
"Sondaı-aq 28 gvardıashylar-panfılovshylar saıabaǵynda 250 shamdyq lampalardyń ornyna qýaty joǵary jáne jaryǵy mol LED jaryqdıodty shamdardy qoıady", — dedi pres týr barysynda "Almaty Qala Jaryq" MKK syrtqy jaryqtandyrý qyzmetiniń basshysy Nurasyl Berik.

Shyǵys aınalma avtojolynda shamamen 800 sham qurylǵysyn qýaty tómen (150 Vt) shamalardan qýaty joǵary (200 Vt) shamdarǵa aýystyrý jumysy júrgizildi, bul jaryqtandyrý deńgeıin 20 dan 70 lúksqa deıin arttyrdy. Ryskulov dańǵylynda da osyndaı jumys bastalyp, áli jalǵasyp jatyr.
Sonymen birge, buryn jaryq bolmaǵan qaladaǵy jerlerge jańa jeliler salynyp jatyr. Jumysty barlyq 8 aýdannyń ákimdiktermen birlesip qolǵa alǵan. Tek "Almaty Qala Jaryqtyń" kúshimen burynnan qarańǵy kósheler men syńar kóshelerge shamamen 400 baǵan, 500 den astam konsol men shamamen myń jańa sham ornatyldy.

Jaryqtandyrý jelilerin salý men jańalaý jumysynda negizgi jaýapkershilik aýdandyq ákimdikter men Qalalyq mobıldilik basqarmasyna júkteledi. Park, skverler jáne ózen arnalaryn jaryqtandyrý Qoǵamdyq keńistikti damytý basqarmasynyń quzyrynda. Joldardy jaryqtandyrý — Qurylys basqarmasyna júktelgen. Al "Almaty Qala Jaryq" MKK syrtqy jaryqtandyrý jelileriniń qyzmeti men jóndeý jumysyna jaýapty.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07

16:06

15:56

15:29

15:00

14:45

14:43

14:38

13:31

13:03

12:49

12:00

11:24