Almaly aýdanyndaǵy kóshe-jol jelisiniń keptelis deńgeıin tómendetý, sondaı-aq kólik ınfraqurylymyn damytý maqsatynda Áıteke bı kóshesiniń Baıtursynov kóshesinen Dosmuhamedov kóshesine deıin uzartý jumys júrgizildi, dep habarlaıdy Almaty-akshamy.kz
Jol-qurylys jumystary maýsym aıynda bastalyp, aǵymdaǵy jyldyń qazan aıynda aıaqtaldy. Uzartý boıynsha jumystardyń aıasynda uzyndyǵy 142 m, júris bóliginiń eni 11,5 m, eki jaǵynda trotýary bar jańa jol salyndy. Sondaı-aq, ınjenerlik komýnıkasıalar qaıta quryldy jáne syrtqy jaryqtandyrý ornatyldy.
Joldaǵy qozǵalys qaýipsizdigin qamtamasyz etý jáne apattyq jaǵdaılardyń aldyn alý maqsatynda Áıteke bı kóshesiniń uzartylǵan bóliginde shyǵys baǵytta kólikter tek ońǵa buryla alady. Al batys baǵytta – tike júrýge, ońǵa jáne solǵa burylý múmkindigi bar. Búginde atalǵan aýmaqta tıisti jol tańbalaryn syzý jáne jol belgilerin ornatý jumystary aıaqtalyp, qozǵalys ashyldy.
