Sottalǵandardy jumyspen qamtý maqsatynda 21 mekememen shart jasalǵan
«QAZAQSTAN JASTARY» Qoǵamdyq qorynyń bastamasymen, Almaty qalalyq «Jas Otan» Jastar qanatynyń qoldaýymen bas bostandyǵynan aıyrý oryndarynan bosatylǵandardy áleýmettik beıimdeýge qatysty dóńgelek ústel ótti.
Dóńgelek ústel barysynda sottalyp kelgenderdiń áleýmettik jaǵdaıyn jaqsartý maqsatynda qabyldanǵan joba barysynda atqarylǵan jumystar talqylandy.
Otyrysqa Almaty qalasy boıynsha QAJ departamentine qarasty probasıalyq baqylaý qyzmetteriniń ókilderi jáne mekemelerdiń jasaq bastyqtary ádilet maıory A. Jylqybaeva, ádilet maıory Q. Turlybekov, ádilet kapıtany B.Jaqanov, Almaty qalasy boıynsha QAJ departamenti sottalǵandardyń arasynda tárbıelik, áleýmettik — psıhologıalyq jumys tobynyń bas mamany ádilet podpolkovnıgi Sh. Hýsaınova, Almaty qalasy halyqty jumyspen qamtý ortalyǵynyń jumys berýshilerdi qoldaý bóliminiń mamany G. Meıirbekova jáne psıholog E.Tajıbaev qatysty.
Dóńgelek ústel barysynda probasıa qyzmetkerleri bas bostandyǵynan aıyrý oryndarynan bosatylǵan azamattardy áleýmettik beıimdeý barysynda atqarylǵan jumystar týraly baıandama jasady. Baıandamada probasıa esebinde turǵan sottalǵandardy jumyspen qamtý maqsatynda 21 mekememen shart jasalǵany jáne 51 psıhologıalyq jáne quqyqtyq keńester berilgenin atap ótti.
Dóńgelek ústel sońynda jobany talqylaýshylar erkin pikir almasyp, QAJD qyzmetkerleri joba avtorlaryna keler jyly atqarýǵa tıisti is-sharalar josparyn usyndy jáne atalǵan jobanyń artyqshylyǵy men jetildiretin tustaryna toqtaldy.