Preparattyń adam densaýlyǵy úshin keri áseri joq
«Grýzıada jasalǵan», «álemde alǵash ret». Koronavırýstan qorǵaıtyn jańa preparat týraly osy sózderdi qoldanýǵa bolady. Ǵalym Teımýraz Kýrshalıa kovıdti joıatyn suıyqtyq aıaq astynan jasalǵanyn aıtady. Bul týraly «Habar 24» telearnasy málimdedi, dep habarlaıdy Almaty-akshamy.kz.
«Biz birneshe jyldan beri bıohımıa men genetıkada óte jaqsy zerttelgen domalaq qurttar – nematodalardy zerttep kelemiz. Olardyń quramynda óte kúshti totyqtandyrǵysh zattyń baryn anyqtadyq. Bul – kishkentaı karboksıl qyshqyly men amın qyshqyly glısıni»,-deıdi molekýlárly-jasýshaly bıologıa jáne genetıka ınstıtýtynyń profesory Teımýraz Kýrshalıa.
Preparattyń adam densaýlyǵy úshin keri áseri joq. Zertteýdiń biraz bóligi Germanıada jasalǵan. «Glıpera» ataýy berilgen suıyqtyq Únidstandaǵy iri zerthanalardyń birindegi synaqtan sátti ótkizildi.
«İs-tájirıbeler nátıjesi óte ońdy boldy. «Glıpera» preparaty 100 prosent tıimdiligin kórsetti. Ol 10 mınýt ishinde búkil vırýsty óltirdi jáne jasýshaǵa esh zıan keltirmedi. Qazir birneshe kompanıamen kelissóz jasap jatyrmyz. Úndistanda da óndirýimiz múmkin»,-deıdi, farmkompanıanyń bas menedjeri Vahtang Pavlenıshvılı.
«Glıper» qazirdiń ózinde Grýzıanyń dárihanalarda úlken suranysqa ıe. Mamandar bul preparat vırýsty paıda bola bastaǵan erte kezeńinde joıyp, juqtyrý deńgeıin azaıtady dep senedi.