Azyq-túlik pen mal baǵasyn ósirmeýdi, halyqtyń qaltasymen sanasýǵa shaqyrdy.
Bıyl musylmandar úshin qasıetti Qurban aıt 9 shildege belgilengen. Osyǵan oraı elimizdiń Bas múftıi Naýryzbaı qajy Taǵanuly kásipkerlerge úndeý jasady, dep habarlaıdy Almaty-akshamy.kz Egemen.kz silteme jasap.
Naýryzbaı qajy Taǵanuly kásipkerlerdi azyq-túlik pen mal baǵasyn ósirmeýdi, halyqtyń qaltasymen sanasýǵa shaqyrdy. Sondaı-aq bıyl da qurbandyq shalý el aýmaǵynda oflaın jáne onlaın rejımde júzege asatynyn aıtty. Bul baǵytta arnaıy saıt jumys istemek.
«Jyl sanaýy boıynsha, 8 shilde kúni, Alla qalasa, Arafa kúni bolady. Al endi Qurban aıt merekesiniń alǵashqy kúni toǵyzynshy shildege kelip otyr. Alla Taǵala barshamyzdyń tilegimizdi-nıetimizdi qabyl etsin!» - dedi Naýryzbaı qajy Taǵanuly.
Aıta ketsek, onlaın túrde qurban shalam deýshiler qurban2022.kz saıty arqyly qurbandyq malyn tańdap, kórsetilgen rekvızıtke qajetti qarajatty aýdara alady. Qoı men eshkini jeke adam, al iri qara men túıe malyn bir nemese 7 adam birigip shalsa bolady.
Sondaı-aq tólem jasaý barysynda habarlamaǵa tapsyrys nómiri men qurbandyq shalýshynyń aty-jónin jazý mindetti. Qurbandyq shalynǵan soń onyń foto- jáne beıneesebi tapsyrys berýshi kórsetken WhatsApp nómirge jiberiledi.